Skip to main content

Oastte giddodagaid váldosiid ja duođaštusaid

Eanamihtidanlágádusas sáhttá oastit giddodatdieđuid sisttisetdoalli váldosiid ja duođaštusaid.

Juos háliidat oastit lanjadatdiehtovuogádaga čáláhusaid, loga rávvagiid Oastte lanjadagaid čáláhusaid -siiddus

Persovdnaáššehasaide: áššiiddikšunbálvalus govttolamos 

Johtilamos ja govttolamos vuohki lea oastit váldosiid ja duođaštusaid áššiiddikšunbálvalusas. Vállje Buot giddodagat -lása ja čále ohcangieddái giddodatdovddaldaga. Váldosat sáddejuvvojit pdf-fiilan šleađgapoasttain. Oaččot šleađgapoastasat luđenliŋkka, gos sáhtát vurket ja čálihit dieđuid. Sáhtát dárkkistit iežat giddodaga dieđuid mávssu haga, dušše váldosiid ja duođaštusaid diŋgomis galgá máksit. 

Áššiiddikšunbálvalus lea aiddo dál dušše persovdnaáššehasaide.  

Organisašuvdnaáššehasaide: áššiiddikšunbálvalus dahje diŋgonskovvi 

Áššiiddikšunbálvalussii sáhttet čálihit iežaset organisašuvnna beales sisa dat olbmot, geaidda lea merkejuvvon gávperegistarii organisašuvnna nammačállinvuoigatvuohta. 

Organisašuvdnaáššehasat sáhttet oastit giddodagaide laktáseaddji váldosiid ja duođaštusaid maiddái diŋgomiin daid skoviin. Almmut diŋgoma oktavuođas, háliidatgo váldosiid pdf-fiilan šleađgapoastasat vai báhpára alde poastta mielde. 

Vuovdin láhkái váldosat ja duođaštusat 

Vállje du dárbbašan váldosa dáid molssaeavttuin. 

Lágačuorvvaduođaštus 

Giddodaga oamasteaddjidieđut oidnojit lágačuorvvaduođaštusas. Lágačuorvvaduođaštusa sáhttá diŋgot giddodagas dahje mearreviidodagas. 

Losádusduođaštus 

Losádusduođaštusas albmanit registarii girjejuvvon giddodahkii čuohcci giddehusat, erenoamáš vuoigatvuođat sihke muittuhusdieđut. Losádusduođaštusas oidno diehtu vejolaš pántagirjjiin, láigovuoigatvuođain, hálddašan-, ealáhat- dahje geavahanvuoigatvuođain, hálddašeami juohkinsoahpamušain dahje bággobearranmerkemiin. 

Giddodatregisttarválddus 

Giddodatregisttarválddus doallá sisttis giddodaga vuođđodieđuid dego giddodatdovddaldaga, registrerenbeaivemeari ja viidodaga. 

Lassin váldosis leat dieđut earret eará giddodatregisttarovttadaga hápmašuvvamis, lávain, losádusain ja geavahanvuoigatvuođain sihke oktasaš guovlluid osiin. 

Giddodatregistara kártáválddus 

Giddodaga guovllut leat čalmmustahtton kártáváldosis. Juos giddodahkii gullet eambbo go okta bálstá, vuosttas siiddus oidnojit buot bálsttát ovtta áigge. Dán maŋŋá juohke bálstá čájehuvvo iežas siiddus. 

Láigovuoigatvuođaduođaštus 

Láigovuoigatvuođaduođaštus muitala giddodaga láigolačča. Váldosa várás dárbbašuvvo lágádusdovddaldat, mii gávdno láigoaddi sádden eanaláigorehkegis. 

Geavahanvuoigatvuođaovttadatválddus 

Geavahanvuoigatvuođaovttadatválddus muitala vuođđuduvvon geaidnovuoigatvuođain ja eará losádusain. Das leat omd. priváhtageainnu geaidnogotti namma, dovddaldat ja oktavuođaolbmo dieđut (juos almmuhuvvon) sihke logahallan giddodagain, maid guovllus geaidnu johtá. Válddus ii leat fidnemis áššiiddikšunbálvalusas, diŋgo váldosa áššehasbálvalusas

Sáhtát diŋgot geavahanvuoigatvuođaovttadatváldosa áššehasbálvalusas. Sáhtát maid oastit váldosa áššiiddikšunbálvalusas, juos dat oidno du giddodaga geavahanvuoigatvuođain ja ráddjehusain.

Válddus giddodagaid gávpehadderegistaris 

Sáhtát diŋgot giddodaga gávpehadderegistaris ovttaskas giddodaga gávppi haddedieđuid. Váldosis eai oidno oasti dahje vuovdi dieđut. Válddus ii leat fidnemis áššiiddikšunbálvalusas, diŋgo váldosa áššehasbálvalusas