Eanamihtidandoaimmahusa áššit gieđahallojit ja mearrádusat dahkkojuvvojit doaimmahusčoahkkimis. Oahpásmuva du fidnen čoahkkinbovdehussii fuolalaččat. Bovdehusas gávnnat dieđu doaimmahusa ulbmilis sihke doaimmahusčoahkkima áiggis ja báikkis.
Juos leat ieš ohcan eanamihtidandoaimmahusa, oaččot ovdal čoahkkinbovdehusas almmuhusa álggaheamis ja doaimmahusa dahkki oktavuođadieđuid.
Eanamihtidandoaimmahusa ovdáneapmi
Don bovdejuvvot doaimmahusčoahkkimii, mas sáhtát buktit ovdii iežat oainnu áššiin ja ovdanbuktit gáibádusaid dahje gažaldagaid. Čoahkkimii oassálastin lea álkimus vuohki váikkuhit áššiid ovdáneapmái. Juos it beasa mielde, sáhtát addit iežat oainnu čálalaččat ovddal gihtii dahje fápmudit ovddasteaddji oassálastit čoahkkimii. Doaimmahusa eanadatbargguid sáhttá bargat ovdal čoahkkima dahje čoahkkima oktavuođas.
Dábálaččat mearrádusaid dahká doaimmahusinšenevra.
Áššeoasálačča gáibádusas dahje dihtto doaimmahusain mearrádusaid dahket doaimmahusolbmot dahje lotnundoaibmagoddi nappo doaimmahusinšenevra ja guokte oskojuvvon albmá.
Doaimmahusgolut ja daid juogadeapmi áššeoasálaččaid gaskkas gieđahallojit doaimmahusčoahkkimis. Árvalusa doaimmahusa goluin oainnát min haddelisttus.
Doaimmahusas dahkkojuvvon mearrádusaide sáhtát ohcat nuppástusa eatnanrievttis. Váidináigi lea 30 beaivvi čoahkkima maŋŋá. Sáhtát bivdit doaimmahusa áššegirjjiid váidináiggi siste.
Doaimmahusa registrerema maŋŋá dutnje sáddejuvvojit áššegirjjit ja doaimmahus arkiverejuvvo elektrovnnalaš arkiivii. Doaimmahusa dieđut leat dán maŋŋá giddodatregistaris.
Lassedieđut jođus leahkki doaimmahusain
Oasis jođus leahkki viidát eanamihtidandoaimmahusain lea iežas neahttasiidu, gos gávdnojit lassedieđut doaimmahusas. Iežat doaimmahusa neahttačujuhus muitaluvvo čoahkkinbovdehusas.
Sáhtát ohcat doaimmahusa doaimmahusa nummiriin, sajádatgielddain dahje doaimmahusšlájain Jođus leahkki doaimmahusat -siiddut (suomagillii).