Giddodaga oasti ja vuovdi muitolistu

Vuovdi

  • Čájet lágačuorvvaduođaštusa dahje áššegirjjiid, mat duođaštit du oamastanvuoigatvuođa vuovdinláhkai giddodahkii.
  • Losádusduođaštus, mas čilget giddehusat, erenomáš vuoigatvuođat ja olggosmihtideamit ja eará geavahan- ja ráđđenráddjehusat.
  • Giddodatregisttarválddus, mas čilget ee. giddodaga hábmemii guoski dieđut, giddodatdovddaldat ja viidodat.
  • Eará vejolaččat dárbbašlaš áššegirjjit leat ovdamearkka dihte kárta mearreviidodagas, oasseoamasteaddjiid dahkan hálddašeamijuohkinsoahpamuš dahje giddodahkii girjejuvvon láigosoahpamuš.

Oasti

  • Gáibit oaidninláhkai ođđasamos lágačuorvva- ja losádusduođaštusa.
  • Oza lágačuorvaga dahje láigovuoigatvuođa girjema jođánamos lági mielde gávppi dahkama maŋŋá.
  • Huksemii laktáseaddji áššiin oažžu lassedieđu gieldda huksenbearráigeahčus.
  • Laigen vuolgá johtui automáhtalaččat, go mearreviidodahkii lea mieđihuvvon lágačuorvva.

Eará

  • Gávpenannejeaddji galgá nannet gávppi buot gávppi oassebeliid mielde orodettiin.
  • Dihto dáhpáhusain gielddas sáhttá leat gávppis ovdaoastinvuoigatvuohta, mii heaŋgá giddodaga sajádagas dahje viidodagas.

Lágačuorvva- ja losádusduođaštusat ja giddodatregisttarváldosa oažžu eanamihtidandoaimmahagas, gielddas dahje magistráhtas.

Maid oaivvildit giddodagain?

Giddodagain oaivvildit dábálaččat giddodatregistarii merkejuvvon eanasaji dahje dállosaji, mearreosiin oamastanvuoigatvuođa giddodagas (omd. ½) ja mearreviidodagain giddodagas dábálaččat earutkeahtes rájiid olis meroštallon guovllu. Mearreviidodahkii  guoski njuolggadusaid heivehit goittot maiddái oktasaš guovllus sirrejuvvon guovlui ja giddodahkii gullevaš oktasašguovlooassái, jos dat luobahuvvo sierra.

Go giddodat dahje eará ovdal logahallan čuozáhat molsu oamasteaddji nappo giddesopmodat sirdása oamasteaddjis nubbái, galgá oažžumuššii ohcat lágačuorvaga. Oažžumušat leat ovdamearkka dihte gávpi, molsun, skeaŋka, juogadeapmi, árbi ja testameanta. Lágačuorvvaášši gieđahallama oktavuođas dárkkistuvvo oažžumuša gustojeaddjivuohta.