Giddodaga oamasteami nuppástuvvan

Dábálamosit giddodaga dahje láigovuoigatvuođa oamastus nuppástuvvá gávppi oktavuođas, muhto dat sáhttá nuppástuvvat maiddái eará sivaid dihtii.

Lágamučča jápmin ja árbečáliheapmi

Jápmima maŋŋá árbečáliheami galgá dahkat golmma mánotbaji siste (lassidieđut áššis Vero.fi-siidduin). Eanamihtidanlágadus veahkeha čilget jápmán olbmo giddodatoamastusaidja giddodagaide gulavaš giddehusaid. Daid čilgema várás lea Eanamihtidanlágádusas oažžumis lágačuorvvaduođaštus dahje láigovuoigatvuohtaduođaštus sihke losádusduođaštus. Visteoasusoamastusat eai oidno Eanamihtidanlágadusa registtariin.

Árbečáliheami maŋŋá jápminbeasi nammii gánneha ohcat čilgenlágačuorvaga. Čilgenlágačuorvva álkidahttá giddodaga vuovdima, daningo oamasteaddji oaidná das jápminbeasi osolaččaid, iige árbečálihanáššegirjji čuvvosiiguin dárbbaš addit giddodaga oastái.

Giddodahkii gulavaš pántagirjjit eai seailluhuvvo Eanamihtidanlágadusas. Pántagirjjit leat dábálaččat báŋkkus dahje olbmos alddes. Vejolaš láhppon pántagirjjiid galgá jámihit gearretrievttis.

Testamenttáin ožžojuvvon giddodat

Testamenttáin mearriduvvo dávjá giddodaga dahje láigovuoigatvuođa oamastusa sirdimis. Testamenttá vuođul sáhttá ohcat lágačuorvaga dahje láigovuoigatvuođa sirdima. Girjema várás dárbbašat earet eará árbegirjji čuvvosiiguin, álgotestamenttá ja čilgehusa dan lágafámolašvuođaš. Lágafámolašvuođa duođaštusaid oažžu gearretrievttis.

Árbejuohku

Árbejuogus juohkit oamehasa vejolaš giddoddagaid oamastusa beasseosolaččaide ja vejolaš testamenttáoažžuide. Dan maŋŋá galgá ohcat lágačuorvaga árbejuogus ožžon giddodatopmodaga girjema várás iežas nammii. Girjema várás darbbašat earet eará árbegirjji čuvvosiiguin, vejolaš testamenttá čuvvosiiguin ja álgoárbejuohkosoahpamuša.

Oasálaš árbejuogus juogekeahttá báhcán giddodatopmodat báhcá jápminbeasi háldui, goas dasa gánneha ohcat čilgenlágačuorvaga

Juogadeapmi dahje opmodaga čuoldin náittosearrodilis

Juos giddodat opmodaga oamastus nuppástuvvá, oza lágačuorvaga juogadeamis dahje opmodaga čuoldimis oažžun giddodaga ossodaga várás. Lágačuorvaga ohcama várás dárbbašat earet eará juogadeami dahje opmodaga álgočuoldinsoahpamuša, čilgehusa juogadanvuođustusas dahjege gearretrievtti almmuhusa das, ahte náittosearroášši lea álgimin ja vejolaš dássema máksinguite oktan vearuiguin.

Giddodaga oažžun skeaŋkan

Lágačuorvaga galgá ohcat guđa mánotbaji siste skeaŋkagirjji vuolláičállimis ja álgoskeaŋkagirjji galgá čájehit. Skeaŋkkas máksojuvvon skeaŋkavearus oažžu lassidieđu vearuheaddjis.