Kártabáiki

Bálvalusa bokte beasat oahpásmuvvat Eanamihtidanlágádusa meahccekárttáide, áibmogovaide ja duogáškárttaide. Sáhtát ohcat kárttáid sámegillii olles Suomas ee. báikenámáiguin ja koordináhtaiguin. Dárkilut mihttolávas sáhttát geahčadit maiddái giddodatrájáid ja giddodatdovddaldagaid. 

Kártaozu lassin bálvalusas gávdnojit máŋggat eará iešvuođat, dego koordináhtaid nuppástus ja kártaliŋkka dahkan. Bálvalusa bokte sáhtát maiddái diŋgot iešguđetgelágan prentejuvvon kárttaid. 

Bálvalus lea dárkkuhuvvon ovttaskas olbmuide. Dat lea buohkaide rabas ja nuvttá, iige bálvalusa geavaheapmi gáibit sisa čáliheami.

Kártabuktagat

Meahccekárta 1:50 000 lea oppalašmeahccekárta, mii govvida meahci eanet oppalaš dásis go Vuođđokárta.

Vuođđokárta lea juohkeolbmo ofelaš luonddus ja geainnu alde. Dan vuođus lea bargujuvvon maiddai erenomážit olgolihkadeabmikárttat, man veahkkin sáhttá vánddardettiin dahje dádjadettiin.