Min kártábuktagat leat prentejuvvon kárttát, prentejuvvon kárttáid prentenoriginálat, kártáčáláhusat sihke historjjálaš kárttát.
Prentejuvvon kárttát
Oastte prentejuvvon kárttá Kártabáiki-fierbmebálvalusas (suomagillii) dahje min áššehasbálvalusas.
Amma fuobmát, ahte prentejuvvon vuođđokártá ii leat šat fidnemis buot Suoma guovlluin. Juos prentejuvvon kártá ii leat fidnemis, molssaeaktun leat kártáčáláhus dahje prentejuvvon kárttá prentenoriginála.
Prentejuvvon kártá vuvdojuvvo kártábláđi mielde. Prentejuvvon kárttát leat vuođđokártá ja eanadatkártá. Kárttáin eai leat váldojuvvon ođđa prentehusat 5.1.2018 maŋŋá.
Prentejuvvon kárttáid skála ja guovllu sturrodat:
- Vuođđokártá 1:25 000, 12 x 24 km. Geahča dárkilut kártábláđđejuogu Ná gávnnat rivttes kártábláđi -siiddus (suomagillii).
- Eanadatkártá 1:50 000, 24 km x 48 km. Geahča dárkilut kártábláđđejuogu Ná gávnnat rivttes kártábláđi -siiddus (suomagillii).
Prentejuvvon kárttáid prentenoriginálat
Sáhtát diŋgot prentejuvvon kárttáid prentenoriginálaid, mat vástidit olgohámi ja kártábláđđejuogu dáfus vuođđokárttá 1:25 000 dahje eanadatkárttá 1:50 000. Prentenoriginála doaimmahuvvo fiilan šleađgapostii dahje báberčáláhussan. Prentenoriginálaid sáhttá diŋgot min áššehasbálvalusas.
Prentenoriginálaid hattit (suomagillii).
Kártáčáláhusat (iežat kártá)
Kártáčáláhusa (suomagillii) oaččut iežat háliidan guovllus ja sturrodagas. Čáláhusa oaččut dalán pdf-fiilan, dahje sáhtát diŋgot báhpára ala dahje dálkkiid gierdi materiálii čálihuvvon kárttá njuolgga iežat ruktui.
Oahpásmuva kártáčáláhusa skála-, sturrodat- ja materiálamolssaeavttuide sihke mállečáláhusaide (suomagillii).
Kártámearkkaid čilgehus, kártáčáláhusat (pdf, suomagillii)
Sajádatsárgosa vuođđokártá ja dwg-materiála
Sajádatsárggus ráhkaduvvo váldoáššis kártáčáláhussii, man skála lea 1:500 dahje 1:1 000. Vállje kártii guhkes giddodatdovddaldathámi ja rádjemearkkaid.
Oastte kártáčáláhusa (iežat kárttá) Kártabáiki-fierbmebálvalusas (suomagillii) dahje min áššehasbálvalusas.
Sáhtát diŋgot sajádatsárgosa plánema vuođđun maiddái dwg-materiála iežat giddodaga guovllus. Diŋgo materiála min áššehasbálvalusas. Juos huksenbáiki lea sajádatlávvaguovllus, diŋgo kárttá ja dwg-materiála gielddas.
Tipsat kártáčáláhusa oastimii
Fuomáš čuovvovaš áššiid, vai du diŋgon buvtta vástidivččii geavahanulbmilii:
- Guhkes giddodatdovddaldathápmi sáhttá váddudit kárttá lohkama erenoamážit dávjjit ássojuvvon guovlluin. Nappo vállje oanehis hámi earret juos dárbbašat kárttá sajádatsárgosa várás.
- Rádjemearkkaid eai ávžžut sárgut skálain 1:15 000–1:250 000, go kárttá logahahttivuohta gillá.
- Giddodatrádjesárgá gánneha válljet seaggin álot, go kárttá skála lea 1:10 000–1:25 000.
- Giddodatrájáid eai ávžžut sárgut skálain 1:50 000–1:250 000, go kárttá logahahttivuohta gillá.
- Kártabáikkis oidnojeaddji ovdageahčadangovva veahkeha sihkkarastit, ahte kártá vástida du dárbui.
Doaimmahuskárttát
Eanamihtidanlágádusa arkiivvain leat eanamihtidandoaimmahusaid kárttát ja áššegirjjit stuorrajuogus otná beaivve rádjái. Doaimmahuskárttás oidnojit dábálaččat rádjámihtut ja rádjágeđggiid nummirat. Kárttáide leat merkejuvvon maiddái vejolaš geaidnovuoigatvuođat ja losádusat.
Sáhtát diŋgot doaimmahuskárttáid min áššehasbálvalusas. Kárttáid oažžu mávssu vuostá ja dat doaimmahuvvojit fiilan (pdf dahje jpg) dahje báberčáláhussan. Merke iežat diŋgomii giddodatdovddaldaga, man guovllus háliidat kárttá. Muhtumin ovtta rájá guhkkodaga čielggadeapmi gáibida máŋgga kárttá diŋgoma.
Historjjálaš kárttát
Sáhtát geahčadit boares vuođđo- ja eanadatkárttáid (suomagillii) ja Gárjila guovllu kárttáid (suomagillii) min fierbmebálvalusas. Arkiverejuvvon doaimmahuskárttáid ja doaimmahusaid áššegirjjiid stuorrajuogus otná beaivve rádjái sáhttá diŋgot min áššehasbálvalusas.
Loga lasi boares kárttáid ja áššegirjjiid birra (suomagillii).
