Eanet doaimmahusat giddeshattiide

– Válddiimet fas máŋga lávkki buoret bálvaleapmái Eanamihtidanlágádusa haddemeroštallamis, illuda njunušhoavda Irma Lähetkangas Eanamihtidanlágádusas.

Priváhtageaidnodoaimmahus, luoddun dahje doalu juohkin, huksenbáikki oasi lonástus ja oktasaš čáhceguovlluid ovttasteapmi nuppástuvve giddeshattiide. Giddeshatti doaimmahusas máksu mearrašuvvá ovtta dahje dávjjit molsašuddi, dego viidodaga dahje oasusoamasteaddjiid lohkomeari vuođul. Bargoáiggi mielde bearramii báhcet dušše beare lonástus- ja buhtadusdoaimmahusat.

Nubbi nuppástus guoská áiggi, man mielde giddeshatti doaimmahusa haddi mearrašuvvá. Boahtteáiggis giddeshaddi mearrašuvvá doaimmahusa ohcamuša guođđima áiggi mielde. Dássážii vuođđohaddi lea mearrašuvvan doaimmahusa loahppačoahkkima áigge fámus leamašan mávssu mielde.

– Dát dáhkida dan, ahte doaimmahusa ohcci diehtá juo ohcamuša guođedettiin, maid doaibmabidju boahtá máksit, muitala Lähetkangas.

Eanamihtidandoaimmahusaide ja eará buktagiidda addojuvvo haddi iežasgoasttádusprinsihpain. Goluid loktaneami dihtii eanaš doaimmahusšlájaid hattiid fertii bajidit.

Registrerenmávssut mearrašuvvet dál johtui boahtima mielde

Registrerenmávssuide eai boađe ođđa máksoásahusas bajádusat giddodat- dahje duksalanjadatregistrerema bealis. Nuppástusat gusket dan, ahte máksu mearrašuvvá boahttevuođas ohcamuša johtui boahtima áiggi mielde.

Geavatlaččat dát oaivvilda dan, ahte jos ovdamearkka dihtii lágačuorvvaohcamuš `lea boahtán johtui 2018 ja dat čovdojuvvo jagi 2020 bealde, dan haddi mearrašuvvá jagis 2018 fámus leamašan mávssu mielde.

Eanamihtidanlágádusa eará buktagat ja bálvalusat

Goluid loktaneami dihtii máŋggaid Eanamihtidanlágádusa eará buktagiid ja bálvalusaid hattiid bajiduvvojit. Haddemeroštallan maid dahkkojuvvo čielgasabbon ja eanet áššehasa dárbbu čuovvuma guvlui, áibbas dego eanamihtidandoaimmahusaid mávssuid bokte.