Čilgehus Eanamihtidanlágádusa bálvalanbáikefierpmádaga ovddideami dihtii luohpaduvvui odne 26.4. eanadoallo- ja birasministtar Kimmo Tiilikaisii. Čilgehusas ovdanbuktojit molssaeavttut Eanamihtidanlágádusa bálvalanbáikeráhkadusas 1.1.2017 ovddosguvlui. Mearrádusaid vejolaš ovddidandoaibmabijuin dahká eana- ja meahccedoalloministeriija.

Eana- ja meahccedoalloministeriija čilge dihto gaskkaid, leago eanamihtidansektoras dárbu bargat doaimmaid guoski nuppástusaid. Ministeriija gieđahallá ášši dál ožžojuvvon čilgehusa vuođul ja árvvoštallá, leago nuppástussii duođalaš dárbu vai ii. Eanamihtidanlágádusa bargoveaga eai áiggo geahpedit, muhto čilgehus guoská dušše Eanamihtidanlágádusa bálvalanbáikeráhkadusa ovddideami. Bálvalanbáikefierpmádaga viidodahkii váikkuheaddji dehálaš dahkkit leat maiddái digitaliserema ovdáneapmi, elektrovnnalaš áššiid dikšunčovdosiid atnuiváldin sihke áššehasaid dárbbuid nuppástuvvan.

Čilgehusas govviduvvojit njeallje sierra molssaeavttu: 1) dálá bálvalanbáikefierpmádat, 2) buvttadeapmi-orienterenmálle, 3) evoluutiomálle ja 4) eanangoddeguovddášmálle.

Dálá bálvalanbáikefierpmádagas bissun dárkkuha, ahte dálá bálvalanbáikefierpmádat joatká dálá viidodagas.

Buvttadeapmi-orienterenmálles buot bálvalanbáikkiid rabasáiggit dárkkistuvvojit nu ahte vástidit dálá ja ovddalgihtii árvvoštallon áššiiddikšunmeriid.

Evoluutiomálles áššehasbálvaleapmi čohkkejuvvošii smávit bálvalanbáikkiin eanangoddeguovddážiin doaibmi bálvalanbáikkiide.

Eanangoddeguovddášmálles Eanamihtidanlágádusa bálvalanbáikkit livčče eanašosiin eanangottiid guovddášgávpogiin.

Čilgehus Eanamihtidanlágádusa bálvalanbáikefierpmádaga ovddideami dihtii

Lassidieđut:

Bajimuš hoavda Petri Korpinen, Eanamihtidanlágádus, 040 505 7421, etunimi.sukunimi@maanmittauslaitos.fi
Hoavda Raimo Vajavaara, eana- ja meahccedoalloministeriija, 040 357 7595, etunimi.sukunimi@mmm.fi