Eanamihtidanlágádusa beaktilvuohta ja ávkkálašvuohta buoriduvvojit almmolaš hálddahusa ovddidanlinnjádemiid ja bálvalanbáikečilgehusa vuođul. Dan dihtii Eanamihtidanlágádusa buot bálvalanbáikkiid rabasáiggit dárkkistuvvojit vástidit dálá ja ovddalgihtii árvvoštallon áššiiddikšunmeriid. Seammá háve vuhtiiváldojit elektrovnnalaš áššiiddikšuma atnuiváldin ja proseassaid eará ovddideami váikkuhusat báikki alde áššiiddikšuma dárbui.

Plána mielde bálvalanbáikkiid rabasáiggiide boađášedje 1.1.2017 rájes čuovvovaš nuppástusat:

• Vihtta beaivve vahkus livčče rabas: Helsset, Kuopio, Oulu, Roavvenjárga, Tampere, Turku ja Vaasa
• Golbma beaivve vahkus livčče rabas: Hämeenlinna, Joensuu, Jyväskylä, Kouvola, Maarianhamina, Mikkeli ja Pori.
• Guokte beaivve vahkus livčče rabas: Avvil, Duortnus, Guossán, Iisalmi, Kajaani, Kokkola, Lahti, Lappeenranta, Lohja, Porvoo, Savonlinna ja Seinäjoki.
• Bálvalanbáikkiid Alajärvi, Giemajávri, Huittinen, Ikaalinen, Nurmes, Närpiö, Saarijärvi, Salo ja Ylivieska, gos leat jagi 2015 statistihkaid mielde vuollái 9 áššehasfitnama/rabasbeaivi, áššehasbálvalusa doaibmamálle ođasmahttošii ja dain váldošii atnui ovddalgihtii áiggivárrenvejolašvuohta.

Plána mielde ođastusas ii geahpeduvvošii bargoveahka, ja das ii livčče váikkuhus guovlluid barggolašvuhtii. Ođastus ii maiddái dagahivčče bargiid sirdima dahje bargguid čohkkema man nu báikegoddái. Eanamihtidanlágádus lea ráđđádallan Senaattikiinteistöin doaibmalanjaid birra daid báikegottiid buohta, gos beaivválaš rabasáiggi sajis sirdášuvvošii ovddalgihtii áiggivárremii.

Gulaskuddan álgá

Plána dihtii lágiduvvo gulaskuddan daid gielddaide, maid viidodagas leahkki bálvalanbáikki rabasáiggit nuppástuvašedje. Lassin gullat vuoigatvuohtaministeriija ja daid eanangottiid lihtuid, maid lahttogielddaid ássiid bálvalussii plánat váikkuhit.

Gulaskuddama maŋŋá bálvalanbáikkiid rabasáiggiid guoski plána sáddejuvvo eana- ja meahccedoalloministeriijai. Go ministeriija lea gieđahallan ášši, Eanamihtidanlágádus dahká mearrádusa bálvalanbáikkiid rabasáiggiin.

Lassidieđut

Hoavda Antti Saarikoski, 040 501 0151
etunimi.sukunimi@maanmittauslaitos.fi