Eanamihtidanlágádusa bálvalančuokkisfierpmádaga viiddisvuohta ja gánnáheapmi čielggaduvvo čuovvovaš guđa mánotbaji áigge. Eana- ja vuovdedoalloministeria lea ásahan čielggadanolmmožin Eanamihtidanlágádusa allahoavdda Petri Korpinen.

Čielggadeami duogážin leat stáhtaekonomia čavga dilli, bálvalusaid digitaliseren, doaibmavugiid ođasmahttin sihke riikkaviidosaš doaibmamálle ja ođđa bálvalankanálaid váikkuhusat.

Bargoveaga sajádat lea oktan oassesuorgin čielggadeamis, ja bargiide ordnejuvvojit sierra vuogit gullamii, gos sii sáhttet buktit ovdan iežaset oainnuid. Bargit eai geahpeduvvo, baicce čielggadeapmi guoská dušše doaibmasajiid.

"Čielggadeapmi guoská buot Eanamihtidanlágádusa bálvalančuoggáid, doaibmasajiid ja eará čuoggáid. Livččii váttis ákkastallat, manin oassi livččii čielggadeami olggobealde dán muttus", dadjá Korpinen.

Eanamihtidanlágádusa doaibmasajiid ja bálvalančuoggáid sajádagas ja mearis mearrida eana- ja vuovdedoalloministeria.

Lassedieđut

allahoavda Petri Korpinen, 040 505 742, etunimi.sukunimi@maanmittauslaitos.fi