Nuppástusat Eanamihtidanlágádusa hattiide 1.1.2024 rájes

Eanamihtidanlágádusa hattiide bohtet nuppástusat 1.1.2024 rájes. Hattiid dárkkisteami duohken lea almmolaš gollodási badjáneapmi, mii lea leamaš jagi 2023 johtilut go árvaledje. Lanjadagaid oamastussii ja registreremii laktáseaddji hattiid dárkkisteapmái váikkuha maid oasuslogahallamiid sirdimiid árvalusaid ektui stuorát mearri sirdašuvvanáigodaga loahpageahčen.

22.12.2023
""
Photo:
Arto Arvilahti

Eanamihtidanlágádusa hattit leat gollohattit, nappo daiguin gokčá goluid, muhto ii skáhppo vuoittu. Hattit (suomagillii) leat fámus juogo ovtta dahje guokte jagi, máksoásahusa mielde.

Giddodatdoaimmahusmávssut

Giddodatdoaimmahusmávssut sturrot gaskamearálaččat 8,4 proseantta. Jagi 2023 álggus fápmui boahtán máksoásahus ásahuvvui jagiide 2023–24. Ásahusaid gáibidan golloárvu ii goittotge ollašuva dán ásahusa mávssuiguin, nappo jahkái 2024 lea ásahuvvon ođđa ásahus.

Dábálamos giddodatdoaimmahus lea 0,1–1 hektára sturrosaš mearreviidodaga laigen, mii máksá 1.1.2024 rájes 1320 euro. Haddái lea boahtán 100 euro lasáhus.

Giddodagaid ja lanjadagaid bálvalusat

Giddodagaid oamastussii ja registreremii laktáseaddji hattit sturrot gaskamearálaččat 6 proseantta ja lanjadagaid oamastussii ja registreremii laktáseaddji hattit ges gaskamearálaččat 9,5 proseantta. 

Eanemus vuvdojuvvon bálvalusaid hattit 1.1.2024 rájes:

  • Giddodaga lágačuorvva, nappo oamastanvuoigatvuođa registreren: 161 € / giddodat.
  • Giddehusa nannen: čálalaččat 44 € ja elektrovnnalaččat 25 €.
  • Elektrovnnalaš pántagirjji sirdin: čálalažžan 23 € ja elektrovnnalaččat 15 €. 
  • Erenoamáš vuoigatvuođa girjen 161 €.
  • Lanjadaga oamastusa registreren: 69 € / oasuslanjadat.
  • Lanjadaga pántema registreren 30 €.

Ođđa máksin láhkái bálvalussan 1.1.2024 rájes:

  • Oasuslogahallama bajásdoallama sirdin Eanamihtidanlágádusa elektrovnnalaš bálvalusa bokte 101 €.
  • Oasuslogahallama doaimmaheapmi Eanamihtidanlágádussii bajásdoallama sirdima várás 110 € / diibmu, unnimusmáksu lea 1 diibmu.
  • Oasuslogahallama bajásdoallama sirdimis dáhpáhuvvan feailla divvun 110 € / diibmu.
  • Válddus oasuslogahallamis, áššehasbálvalusas ostojuvvon 18 €

Loga lasi giddodagaid ja lanjadagaid oamasteapmái ja registreremii laktáseaddji haddenuppástusaid birra bálvalandieđáhusas (suomagillii).

Giddodatdiehtobálvalus ja laktabálvalusat

Giddodatdiehtobálvalusa hattit sturrot sullii 7 proseantta. Bajideamit gusket Eanamihtidanlágádusa máksomearrádusain mearridan láhkái bálvalanmávssuide ja buktagiid hattiide. Dan sajis giddodatregistara váldosiid sihke lágačuorvva- ja giddehusregistara duođaštusaid hattiide eai leat boahtimin nuppástusat.

Bivnnuhamos bálvalusaid hattit 1.1.2024 rájes:

  • Bajásdoallanmáksu 16,37 € /mánotbadji/geavaheaddjidovddaldat
  • Registtarovttadaga vuođđodieđut 0,68 € 
  • Gávpehadderegistara dieđut 1,50 €

Laktabálvalusaid hattit sturrot 7 proseantta. Haddebajideamit gusket sihke materiála- ja bajásdoallanmávssuide. Rabas materiálain berrojuvvo ain dušše bajásdoallanmáksu ja ovdamearkka dihte virgeoapmahaččaide guoskevaš giddodatdieđuid mávssohisvuohta ja materiálalonuhansoahpamušat seilot ovddežin. 

Haddenuppástusat gusket jagi 2024 álggus čuovvovaš bálvalusaide:

  • Arkiivaáššegirjjiid ohcanbálvalus (REST)
  • Geokodenbálvalus (REST)
  • Kártágovvabálvalus (WMS)
  • Kártágovvabálvalus (WMTS)
  • Giddodatdieđuid ohcanbálvalus OGC API Features
  • Giddodatgávppiid ohcanbálvalus (WFS)
  • Huksendieđuid ohcanbálvalus (WFS)

Lavttaid geavaheamis sáddejuvvojit rehkegat álot maŋŋelgihtii čuovvovaš jagi ođđajagimánus. Ovdamearkka dihte jagi 2023 geavaheami rehkegat sáddejuvvojit jagi 2023 hattiiguin ođđajagimánus 2024.

Bálvalusaide guoskevaš fámus orru haddelisttut gávdnojit min neahttasiidduid laktabálvalusaid válddahallamiid oktavuođas dahje min haddesiidduin (suomagillii).

Eará buktagat 

Eanamihtidanlágádusa eará buktagiid hattit sturrot gaskamearálaččat 6–7 proseantta. Ovttaskas buktagiid hattit sáhttet sturrot eanet golloráhkadusa geažil.

Ovttaskasolbmuide eanemus vuvdojuvvon buktagiid oasil nuppástusat leat:

  • Áššegirje- ja doaimmahuskártá diehtovuorkán 16 €.
  • Áššegirje- ja doaimmahuskártá A3-sturrosaš kopiijan 17,60 €.
  • Áššegirje- ja doaimmahuskártá A4-sturrosaš kopiijan: 17 €
  • Kártáčáláhus diehtovuorkán A4-A2, áššiiddikšunbálvalusa bokte diŋgojuvvon 19,80 €.
  • Kártáčáláhus A4, áššehasbálvalusa bokte diŋgojuvvon 31,90 €.
  • Kártáčáláhus A3, áššehasbálvalusa bokte diŋgojuvvon 37,40 €.
  • Viiddis arkiivačielggadusat 101,20 €, unnimusmáksu 15 minuhtas 25,30 €. 
  • Oamasteaddji- ja čujuhusdieđut 1–6 st 25,30 €.
  • Oamasteaddji- ja čujuhusdieđut badjel 6 st 3,85 €.
  • Dárkilut oamasteaddjičielggadus 125,50 €/diibmu.
  • Sajádatsárggusmateriála luvven ovtta giddodaga guovllus 64,70 €.

Eanamihtidanlágádusa buktagiid ja bálvalusaid hattit vuođđuduvvet eanan- ja meahccedoalloministeriija ásahusaide sihke Eanamihtidanlágádusa máksomearrádussii. Ásahusat ja máksomearrádus almmustahttojit Finlex-bálvalusas.

Lassedieđut

Eanamihtidanlágádus
Bálvalusat

Ođđasat