Eanamihtidandoaimmahus ohccojuvvo čálalaččat juogo čálihuvvon skoviin dahje friijahápmásaš ohcamušain. Ohcanskovi oktan čuvvosiiguin sáddejuvvo Eanamihtidanlágádussii boastta mielde dahje šleađgaboastta bokte.
Fuomáš, ahte laigema ii dábálaččat dárbbaš ohcat.
Loga lassedieđuid laigema ohcamis
Ohcamušskovi deavdinráva
Vuolá bealde rávvagat eanamihtidandoaimmahusa ohcamušskovi deavdimii.
Doaimmahusa báiki
Doaimmahussii guoski báikkis galgá álo almmuhit giddodaga nama, gieldda ja giddodatdovddaldaga. Giddodatdovddaldat gávdno giddodatvearrodieđuin dahje sáhtát ohcat giddodatdovddaldaga min neahttasiidduin.
Juos ohcamuš guoská oktasaš guovllu dahje geainnu, almmut guovllu nama dahje eará dovddaldatdieđu. Priváhtageaidnodoaimmahusas lea vuogas merket ohcamuššii geainnu nama.
Evttohus doaimmahusa čoahkkinbáikin
Doaimmahusinšenevra pláne hávil máŋgga doaimmahusa áigetávvaliid ja heiveha daid oktii. Du evttohan čoahkkinbáiki geahččaluvvo váldot vuhtii vejolašvuođaid mielde.
Ohcamuša lassedieđut
Ohcamušas lea vuogas čilget ja dárkileappot muitalit iežat sániiguin doaimmahusa ulbmila ja addit lassedieđuid ovdamearkan čuovvovaš áššiid oasil:
- maid osiin du giddodaga ráját leat eahpečielgasat
- mat rádjemearkkat meahcis sihkkarit gávdnojit
- mat rádjemearkkat leat vejolaččat láhppon
- leago priváhtageaidnodoaimmahusas gažaldagas ođđa geaidnovuoigatvuođa vuođđudeapmi, boares vuoigatvuođa sirdin dahje heaittiheapmi.
Lassediehtun lea buorre almmuhit maid daid áiggiid birra, mat dutnje eai heive čoahkkináigin.
Doaimmahusa oassebeliid oktavuođadieđuid
Iežat oktavuođadieđuid lassin dása sáhtát čállit dieđuid buot osolaččain ja áššeoasálaččain, geat du dieđus leat.
Eanamihtidanlágádusa anus leat registarat, gos leat dieđut giddodagaid oamasteaddjiid ja sin čujuhusaid birra. Buot dieđut eai goit leat fidnemis ovdamearkan fitnodagaid ja jápminbesiid oasil.
Jos ohccin lea jápminbeassi, ohcamuššii lea buorre laktit kopiija árbegirjjis, mas oidnojit árbegotti čujuhusat. Viiddes doaimmahusain sáhtát čielggadit doaimmahusa osolaččaid ohcamuša čuvvosis.
Ohcamuša čuvvosat
Doaimmahusohcamuššii lea buorre laktit guvlui guoski kártta, mas bohtet ovdan ee. doaimmahusa báikki giddodagat, guovlu, geainnut ja ráját. Čuovuskártta sáhtát čálihit ovdamearkan čujuhusas omd: Karttapaikka dahje Paikkatietoikkuna.
Eanamihtidanlágádus dárkkista doaimmahusbáikki giddodaga oamasteaddjidieđuid ovdal doaimmahusa.