Suomi.fi-poastakássa boahtá muttuid mielde virgeoapmahaččain boahtti báberpoastta sadjái: ovdamearkka dihte rehkegat eai boađe šat maŋŋá reiven ruoktot. Nuppástusa ulbmilin lea movttiidahttit olbmuid vuostáiváldit virgeoapmahašpoastta vuosttas sajis elektrovnnalaččat. Suomi.fi-dieđuid geavaheapmi seastá áiggi sihke riikkavuložiin ja virgeoapmahaččain, go dieđut johtet johtilit ja sihkkarit rivttes vuostáiváldái rivttes sadjái.
Álkimus vuohki sihkkarastit, ahte oaččot dieđu dehálaš virgeoapmahaččaid dutnje sádden dieđuin, lea luđet Suomi.fi-applikašuvnna iežat telefovdnii. Dalle oaččot almmuhusaid dieđuin njuolga iežat telefovdnii ja sáhtát lohkat dieđuid applikašuvnnain. Juos it leat luđen applikašuvnna, oaččut dieđuid iežat šleađgapostii.
Mo mu áššiiddikšun Eanamihtidanlágádusas nuppástuvvá?
Eanamihtidanlágádusas boahtti dieđut sirdašuvvet muttuid mielde Suomi.fi-dieđuide.
Justa dál
- Juos leat váldán atnui Suomi.fi-dieđuid, itge leat diŋgon sierra e-rehkega, OmaPosti- dahje Kivra-rehkega, mii sáddet du rehkega Suomi.fi-bálvalussii. Geahča sierra rehketmolssaeavttuid (suomagillii).
Maŋŋá jagi 2026 áiggi
Eanamihtidandoaimmahusat
- Juos leat váldán atnui Suomi.fi-dieđuid, oaččut dieđu iežat eanamihtidandoaimmahussii laktáseaddji áššegirjjiin Suomi.fi-dieđuid bokte. Suomi.fi-dieđuide boahtán dieđus boahtá almmuhus Suomi.fi-applikašuvdnii dahje du šleađgapostii. Go leat ožžon almmuhusa, sáhtát fitnat oahpásmuvvamin áššegirjjiide min Áššiiddikšunbálvalusas.
Giddodagat
- Juos leat váldán atnui Suomi.fi-dieđuid, oaččut dieđu du giddodahkii laktáseaddji mearrádusain ja dievasmahttinbivdagiin Suomi.fi-dieđuid bokte. Oaččut boahtán dieđus almmuhusa Suomi.fi-applikašuvdnii dahje du šleađgapostii. Go leat ožžon almmuhusa, sáhtát fitnat oahpásmuvvamin áššegirjjiide min Áššiiddikšunbálvalusas.
Lanjadagat
- Juos leat váldán atnui Suomi.fi-dieđuid, oaččut dieđu du lanjadahkii laktáseaddji dohkkehuvvon mearrádusain Suomi.fi-dieđuid bokte. Oaččut boahtán dieđus almmuhusa Suomi.fi-applikašuvdnii dahje du šleađgapostii. Go leat ožžon almmuhusa, sáhtát fitnat oahpásmuvvamin áššegirjjiide min Áššiiddikšunbálvalusas.
- Du lanjadahkii laktáseaddji dievasmahttinbivdagiin ja negatiivvalaš mearrádusain oaččut dieđuid njuolga du ohcamušas almmuhan šleađgapostii dahje reiven iežat ruovttučujuhussii. Mii eat geavat Suomi.fi-dieđuid doaisttážii lanjadagaide laktáseaddji dievasmahttinbivdagiid ja negatiivvalaš mearrádusaid oasil.
Eanamihtidanlágádus ii doaisttážii váldde vuostá persovdnaáššehasain dieđuid Suomi.fi-dieđuid bokte. Go háliidat váldit oktavuođa Eanamihtidanlágádussii, mii sávvat ahte divššot ášši vuosttas sajis fierbmeskoviin dahje telefovnnain.
Juos dus lea dorvogielddus, Eanamihtidanlágádus sádde dutnje eanamihtidandoaimmahusaide, du lanjadahkii dahje giddodahkii guoskevaš reivviid dorvvolaš poastačujuhussii. Mii sáddet rehkegiid juogo e-rehkegin dahje reivepoastan.
Lassedieđut
Loga lasi das, mo ja geasa Suomi.fi-dieđut bohtet atnui jagi 2026 (suomagillii)