Skip to main content

Dál sáhtát ieš čuovvut lanjadatdiehtovuogádahkii sirdašuvvama

Háliidatgo čuovvut, mo ođđa suopmelaš ássama oamastusa vuođđoregisttar, lanjadatdiehtovuogádat dievvá ásodatservviid oasuslogahallamiin? Registtar gokčá jo badjel 80 % ásodatservviin Ranuas ja Tervolas, muhto máŋggalot gielddas leat moriheamen njozet ásodatservviid lágas ásahuvvon geatnegasvuhtii. Ásodatsearvvit galget sirdit oasuslogahallamiiddiset lanjadatdiehtovuogádahkii ovdal jagi 2023 loahpa.

Kerrostaloja
Photo:
Riku Nikkilä

Lanjadatdiehtovuogádahkii sirdojuvvon ásodatservviid meari sáhttá dál čuovvut Eanamihtidanlágádusa bálvalusas čujuhusas www.osakehuoneistorekisteri.fi (suomagillii). Eanamihtidanlágádus almmustahttá varas statistihkaid gielddaid ja eanagottiid mielde oktii mánus juohke kaleandarmánotbaji. 

Gielddain leat dahkan statistihka lanjadatdiehtovuogádahkii sirdašuvvan ásodatservviid mearis, visteoasussearvehámát ásodatservviid oppalaš mearis sihke vuogádahkii sirdašuvvan servviid proseantaoasi buot ásodatservviin.  

13 gielddas unnimusat bealli ásodatservviin leat jo lanjadatdiehtovuogádagas 

lanjadatdiehtovuogádat gokčá dál 11,9 proseantta Suoma ásodatservviin, mat leat sullii 90 000. Aktiivvalašvuohta molsašuddá garrasit eanagottiid ja gielddaid mielde. Gaska-Bađaeatnamis leat álggahan lanjadatdiehtovuogádahkii sirdašuvvama easkka golbma gielddas, go fas Kainuus sirdimiid leat dahkagoahtán juohke gielddas. 

13 gielddas unnimusat bealli ásodatservviin leat jo lanjadatdiehtovuogádagas. Njunušbáiki gullá Ranuai ja Tervolai, main goappásge jo badjel 80 % ásodatservviin leat dahkan gáibiduvvon sirdima. Tervolas leat šat dušše guokte ásodatsearvvi, mat eai leat vel dahkan sirdima, nu ahte Tervolas sáhttá bures šaddat Suoma vuosttas lanjadatdiehtovuogádahkii ollásit sirdašuvvan gielda. Stuorra, badjel čuođi ásodatsearvvi gielddain aktiivvalamosat leat dán rádjái leamaš Loimaa (60,3 %) ja Pieksämäki (58,2 %). 

Šállošahtti máŋgga gielddas eai leat álggahan sirdimiid ollenge. Ovdamearkka dihte Isojokis, Soinis, Heinävesis, Kangasniemis ja Pihtipudasis sirdojuvvon ásodatservviid lohku lea aiddo dál dievas nollá. 

Ná ásodatsearvi sirdašuvvá lanjadatdiehtovuogádahkii 

Eanamihtidanlágádus movttiidahttá ásodatservviid sirdašuvvat lanjadatdiehtovuogádahkii nu jođánit go vejolaš. Oasuslogahallama sirdimii oažžu doarjaga árgabeivviid telefovnnain riŋgemiin dahje neahttaskovi bokte: 

Juos ásodatsearvi dikšu hovdema iešráđálaččat, ásodatsearvvi ovddasteaddji sáhttá sirdit oasuslogahallama Eanamihtidanlágádusa oasuslogahallama sirdinbálvalusas, gos leat válmmašin vuođđodiehtun ásodatsearvvi sirdin láhkái dieđut. 

Juos searvvis lea ámmáthovdejeaddji, hovdendoaimmahat dikšu oasuslogahallamiid sirdimiid iežas áigedávvaliid mielde. 

Lassedieđut 

Jođiheaddji Janne Murtoniemi, 040 710 8862, janne.murtoniemi@maanmittauslaitos.fi 

Lanjadagat
Lanjadatdiehtovuogádat

Ođđasat