Eanamihtidanlágádus gieđahallá persovdnadieđuid virgeoapmahašbargguidis dikšuma várás. Eanamihtidanlágádus dahká eanamihtidandoaimmahusaid, fuolaha giddodagaid ja oasuslanjadagaid oamastusaid registreremis ja bajásdoallá giddodagaid ja oasusvisttiid dieđuid registariinnis. Lágádusa bargguide gullá maiddái báikedieđu dutkamuš ja heiveheapmi.
Eanamihtidanlágádus čuovvu doaimmainis fuolalašvuođa ja sihkkarastá, ahte diehtosuodji ja diehtodorvvolašvuohta ollašuvvaba dieđuid gieđahallamis.
Persovdnadieđuid gieđahallamis oaččut lassedieđuid diehtosuodječilgehusain (suomagillii). Čilgehusain lea muitaluvvon earret eará dieđuid gieđahallama ulbmil, diehtogáldut ja dat, mo persovdnadieđuid luobahit.
Gos Eanamihtidanlágádus fidne persovdnadieđuid?
Eanamihtidanlágádus fidne persovdnadieđuid áššehasa ohcamušain ja eará virgeoapmahaččain.
Diehtosuodječilgehusain (suomagillii) lea muitaluvvon dárkilappot, maid persovdnadieđuid Eanamihtidanlágádusas gieđahallet ja gos dieđut bohtet.
Masa persovdnadieđuid geavahit?
Eanamihtidanlágádus geavaha dan čohkken persovdnadieđuid lágas ásahuvvon bargguidis dikšumii.
Eanamihtidanlágádusa barggut leat earret eará:
- eanamihtidandoaimmahusat ja oktavuođadoallan giddodatoamasteaddjiide
- giddodagaid oamastusaid ja giddehusaid registreren ja dáid dieđuid bajásdoallan giddodatdiehtoregistaris
- oasuslanjadagaid oamastusaid ja pántemiid registreren ja dáid dieđuid bajásdoallan lanjadatdiehtovuogádagas
- giddodagaid gávpehadderegistara bajásdoallan.
Diehtosuodječilgehusain (suomagillii) sáhtát lohkat lasi das, masa Eanamihtidanlágádus geavaha dieđuid.
Gosa persovdnadieđuid luobahit?
Eanamihtidanlágádusa lanjadatdiehtovuogádat, giddodatdiehtoregisttar ja giddodagaid gávpehadderegisttar leat almmolaš registarat, maiguin ee. dorvvastit eananoamastusa ja loanaaddinvuogádaga luohtehahttivuođa.
Dieđut luobahuvvojit Eanamihtidanlágádusa ja soahpamušáššehasaid diehtobálvalusaid bokte. Lanjadatdieđuid, giddodatdieđuid ja giddodagaid gávpehaddedieđuid luobaheamis ásahuvvo spesiálalágain. Lágain ásahuvvo, mo dieđuid čohkkejit ja luobahit sierra doaibmiid atnui. Dieđuid geavaheapmi gáibida lobi ja dasa galgá leat ákkastallon ágga.
Diehtosuodječilgehusain (suomagillii) oaččot lasi dieđu das, gosa persovdnadieđuid luobahit.
Geat gieđahallet persovdnadieđuid Eanamihtidanlágádusas?
Eanamihtidanlágádusa bargit gieđahallet persovdnadieđuid bargguideaset divššodettiin. Persovdnadieđuid gieđahallet dušše, juos dat laktásit bargui, man barget aiddo dalle.
Mat leat du persovdnadieđuid gieđahallamii laktáseaddji vuoigatvuođat?
Sáhtát dárkkistit iežat giddodaga ja lanjadaga dieđuid mávssu haga Eanamihtidanlágádusa áššiiddikšunbálvalusas (suomagillii).
- Bálvalusas sáhtát dárkkistit mávssu haga iežat giddodaga, mearreviidodaga dahje láigovuoigatvuođa dieđuid.
- Bálvalusas sáhtát dárkkistit mávssu haga iežat lanjadaga dieđuid ja ásodatsearvvi geavahusas leahkki oktavuođadieđuid.
Persovdnadieđuid gieđahallama oktavuođas dus leat čuovvovaš vuoigatvuođat:
- vuoigatvuohta oažžut dieđu, gieđahallágo Eanamihtidanlágádus du persovdnadieđuid ja mat dát dieđut leat
- vuoigatvuohta dieđuid njulgemii
- vuoigatvuohta ráddjet dahje vuostálastit du persovdnadieđuid gieđahallama.
Sáhtát dárkkistit du persovdnadieđuid gieđahallama ákkaid ja daidda laktáseaddji vuoigatvuođaidat diehtosuodječilgehusain (suomagillii).
Ná dagat persovdnadieđuidat gieđahallamii laktáseaddji bivdaga
Deavdde skovi (suomagillii), juos háliidat jearrat
- gieđahallágo Eanamihtidanlágádus du persovdnadieđuid
- mat leat dat persovdnadieđut, maid Eanamihtidanlágádus gieđahallá
Juos fuomášat, ahte du persovdnadieđuin lea feaila dahje váilevašvuohta ja háliidat njulget boastto dahje váilevaš dieđu, váldde oktavuođa min áššehasbálvalussii ášši čielggadeami várás.
Eanamihtidanlágádusa vuoigatvuohta gieđahallat persovdnadieđuid vuođđuduvvá dábálaččat láhkii, nu ahte vuoigatvuođas ráddjet dahje vuostálastit persovdnadieđuid gieđahallama šaddá gažaldat dušše hárve. Juos háliidat ráddjet dahje vuostálastit iežat persovdnadieđuid gieđahallama, oaččot lassedieđuid min diehtosuodjevástideaddjis. Fáhtet diehtosuodjevástideaddji šleađgapoasttain dahje dorvodieđuin čujuhusas: tietosuojavastaava@maanmittauslaitos.fi. Loga dárkilut rávvagiid Turvaviesti-bálvalusa geavaheapmái (suomagillii).
Eanamihtidanlágádusa diehtosuodjevástideaddji
Fáhtet diehtosuodjevástideaddji šleađgapoasttain dahje dorvodieđuin čujuhusas: tietosuojavastaava@maanmittauslaitos.fi. Loga dárkilut rávvagiid Turvaviesti-bálvalusa geavaheapmái (suomagillii).