Skip to main content

Heaggadieđuid gieđahallama Eanamihtidanlágádusas

Eanamihtidanlágádus gieđahallá heaggadieđuid virgeoapmahašbargguid dikšuma várás.

Juos háliidat, sáhtát oahpásnuvvat Eanamihtidanlágádusa heaggadieđuid gieđahallamii guoski čilgehusaide (suomagillii).

Eanamihtidanlágádusa diehtosuodjevástideaddji

Eurohpá uniovnna almmolaš diehtosuodjeásahusas (EU) 2016/679 lea mearriduvvon, ahte almmushálddahusa registtardoallis galgá leat diehtosuodjevástideaddji.

Eanamihtidanlágádusa diehtosuodjevástideaddji

  • čuovvu heaggadieđuid gieđahallama Eanamihtidanlágádusas,
  • addá registtardoallái dahje heaggadieđuid gieđahallái sihke heaggadieđuid gieđahalli bargiide dieđuid ja rávvagiid sihke
  • veahkeha diehtosuodjenjuolggadusaid čuovvumiin.

Lassin diehtosuodjevástideaddji doaibmá maiddái registrerejuvvon geavaheddjiid bálvaleaddji, organisašuvnnas sorjjasmeahttun áššedovdin.

Registrerejuvvon geavaheaddjit sáhttet váldit oktavuođa diehtosuodjevástideddjiin šleađgapoasttain čujuhusain tietosuojavastaava@maanmittauslaitos.fi. Oktavuođaváldimiide vástiduvvo váldoáššálaččat eanemusat guokte árgajándora siste.

Eanamihtidanlágádusa diehtosuodjevástideaddjin doaibmá Kristiina Virmajoki já diehtosuodjevástideaddji sadjásažžan jođiheaddji áššedovdi Timo Liukkunen.

Iežas giddodat-, mearreviidodat- dahje láigovuoigatvuođadieđuid dárkkisteapmi

Juos háliidat oažžut iežat giddodahkii, mearreviidodahkii dahje láigovuoigatvuhtii guoski dieđuid, sáhtát geavahit Eananmihtidanlágádusain áššiiddikšunbálvalusa (suomagillii).

Áššiiddikšunbálvalusas gávnnat earret eará giddodagaid vuođđodieđuid sihke giddodagaid oamastan- ja giddehusdieđuid.

Registrerejuvvon geavaheaddji bivdagat

Eanamihtidanlágádusa čađahan heaggadieđuid gieđahallamii heivehuvvo EU:a almmolaš diehtosuodjeásahus (EU) 2016/679, álbmotlaš diehtosuodjelága (1050/2018) sihke vejolaš álbmotlaš spesiálaláhkaásaheami. 

Eanamihtidanlágádusa vuoigatvuohta gieđahallat registrerejuvvon geavaheddjiid heaggadieđuid vuođđuduvvá dasa, ahte heaggadieđuid gieđahallamii lea dárbu Eanamihtidanlágádusa lágas ásahuvvon geatnegasvuođa čuovvuma várás, dahje dasa, ahte heaggadieđuid gieđahallamii lea dárbu Eanamihtidanlágádussii gullevaš almmolaš ovdui guoski barggu bargama dahje Eanamihtidanlágádussii gullevaš almmolaš válddi geavaheami várás.

Go Eanamihtidanlágádus doaibmá registtardoallin ja gieđahallá registrerejuvvon geavaheddjiid heaggadieđuid ovdal máinnašuvvon ákkaid vuođul, registrerejuvvon geavaheaddji sáhttá, gieđahallanákka mielde, addit Eanamihtidanlágádussii

  • bivdaga mii guoská vuoigatvuhtii oažžut beassama heaggadieđuide,
  • bivdaga mii guoská vuoigatvuhtii vuiget heaggadieđuid,
  • bivdaga mii guoská vuoigatvuhtii ráddjet heaggadieđuid gieđahallama dahje
  • bivdaga mii guoská vuoigatvuhtii vuostálastit heaggadieđuid gieđahallama.

Sáhtát dahkat ovdal oaivvilduvvon bivdaga juogo friddjahápmásaččat dahje geavahemiin vuollin čujuhuvvon bivddaskovi. Bivdaga galgá vuolláičállit. Vuolláičállojuvvon bivdaga sáhttá skánnet ja sáddet šleađgapoasttain čujuhussii kirjaamo@maanmittauslaitos.fi, sáddet poastta bokte čujuhussii Eanamihtidanlágádus, PL 84, 00521 Helsset, dahje buktit Eanamihtidanlágádusa bálvalansadjái. Juos bivdaga áigu skánnet ja sáddet šleađgapoasttain, bivdda boahtá diehtodorvosujaid geažil suollemas šleađgapoastan Eanamihtidanlágádussii. Suollemas šleađgapoastta sáhttá sáddet Eanamihtidanlágádussii čuovvovaš čujuhusa bokte: https://turvaviesti.maanmittauslaitos.fi.

Eanamihtidanlágádus gieđahallá ja čoavdá dasa doaimmahuvvon bivdaga ákka haga ájáhalakeahttá ja juohke dáhpáhusas ovtta mánotbaji siste bivdaga vuostáiváldimis. Eanamihtidanlágádus sáhttá dárbbu mielde joatkit dán mearreáiggi eanemusat guvttiin mánuin, juos dasa lea ágga bivdaga moalkáivuođa ja meari dáfus.

Váldoáššis Eanamihtidanlágádus ii beara bivdaga gieđahallamis mávssu registrerejuvvon geavaheaddjis. Juos registrerejuvvon geavaheaddji bivdagat leat goittotge čielgasit ákkaheamit dahje eahpegovttolaččat, dego juos dat ovdamearkka dihte bohtet ovttatmano, Eanamihtidanlágádus sáhttá bearrat registrerejuvvon geavaheaddjis bivdaga gieđahallamis šaddi hálddahuslaš goluide vuođđuduvvi govttolaš mávssu. Molssaevttolaččat Eanamihtidanlágádus sáhttá dákkár dilis biehttalit doaimmaid ollašuhttimis registrerejuvvon geavaheaddji bivdaga vuođul.

Registrerejuvvon geavaheaddji bivdagiidda guoski skovit ja rávvagat

Loggačilgehusbivdda

Loggadieđut sisttisdollet dieđuid das, gii lea gieđahallan virgeoapmahačča bajásdoallan diehtovuogádagas leahkki lunddolaš olbmo heaggadieđuid.

Loggadieđut leat vuolggasajis suollemassan doalanláhkái dieđut, iige olbmos leat almmolaš vuoigatvuohta oažžut diehtit, geat leat gieđahallan Eanamihtidanlágádusa bajásdoallan diehtovuogádagas su heaggadieđuid.

Juos olbmos lea iežas ovdui, vuoigatvuođaide dahje geatnegasvuođaide laktáseaddji ákkastallojuvvon sivva eahpidit, ahte su heaggadieđut leat gieđahallojuvvon lágamieldásaš ákka haga, son sáhttá bivdit Eanamihtidanlágádusa čielggadit ášši dahkamiin loggačilgehusbivdaga čilgehusbivddaskoviin (pdf) (suomagillii).

Eanamihtidanlágádus suokkardallá loggačilgehusbivdaga vuođul, leago áššis ágga álggahit loggačilgehusa. Dan dáhpáhusas, ahte Eanamihtidanlágádus lea dahkan loggačilgehusa, Eanamihtidanlágádus mearrida, leago olbmos vuoigatvuohta oažžut loggadieđuid áššeosolašsajádaga vuođul.