Eanamihtidanlágádusa bargiid dovdá bargobiktasiin, persovdnakoarttas ja dovddaldagas biilla gilggas. Iežas kártenbarggu lassin Eanamihtidanlágádus oastá áibmogovvema ja láserskánnema. Bargui gullet maiddái eanadatfitnamat materiála kvalitehta sihkkarastima dihte. Oastobálvalussan Eanamihtidanlágádussii kártema bargi bargit eai vealttakeahttá hála suomagiela dahje ruoŧagiela. Sin bokte oažžu dárbbu mielde oktavuođa Eanamihtidanlágádusa kártemis vástideaddji bargohovdii.
Šiljuide dušše spiehkastatdilis
Kártejeaddjit barget bargguset eanáš áibmogovaid vuođul. Juos dieđuid ii oainne áibmogovain, bargit galledastet dáluid dahje geassestobuid šiljuin dárkkisteamen ráhkkanusaid meari, saji dahje dan leago gažaldat ássan- vai dállodoalloviesus. Galledemiid áiggiid ii leat váidalahtti vejolaš almmuhit ovddal gihtii.
Kártejeaddjit dárkkistit geainnuid geaidnoasi ja govdodaga ovttaskas geainnuin.
Eanamihtidandoaimmahusain almmuhit ovddal gihtii
– Doaimmahusa áigi almmuhuvvo ovddal gihtii eanamihtidandoaimmahusa oasálaččaide doaimmahusčoahkkima bovdehusas, jođiheaddji Petri Notko Eanamihtidanlágádusas muitala.
Doaimmahusa eanadatbargguid sáhttet bargat ovdal čoahkkima dahje čoahkkima oktavuođas. Muhtin dáhpáhusain doaimmahusinšenevrrat sáhttet goittotge fitnat dárkkisteamen boahttevaš doaimmahusguovllu rádjágeđggiid jo ovdal, juos sii leat lagaš guovllus dahkamin nuppi doaimmahusa. Dát álkida boahttevaš doaimmahusaid, go boares rádjágeđggiid sajit leat juo ovdal dieđus, iige daid ohcamii gola áigi.
Ávkkástala dárkilis ja áigeguovdilis kárttáid
Eanamihtidanlágádusa bajásdoallan eanadatdiehtovuođđu lea dárkilamos olles riikka gokči kártámateriála, mii beaiváduvvo jámma. Kárttáid ja sadjái čadnojuvvon materiálaid sáhttá geavahit friddja ja mávssu haga iešguđet láhkái. Bláđemii álkimus ja dovdosamos lea Eanamihtidanlágádusa bajásdoallan Kártabáiki čujuhusas www.karttapaikka.fi. Kártámateriálaid sáhttá maid luđet ja gieđahallat ieš. Máŋggat doaibmit geavahitge Eanamihtidanlágádusa kártámateriála iežaset buktaga vuođđodiehtun.
Lassedieđut
Doaimmahusinšenevrra eanadatfitnamiid birra
Jođiheaddji Petri Notko, 040 071 194
Áibmogovvemiidda laktáseaddji eanadatfitnamiid birra
Jođiheaddji Heli Laaksonen, 040 098 8243
Šleađgapoastačujuhusat leat hámis ovdanamma.sohkanamma@maanmittauslaitos.fi