Eanamihtidanlágádusa kárttáide ihtet dieđut máŋgga sierra muttu ja gáldu bokte. Stuorámus oassi dieđuin dulkojuvvo áibmogovaid dárkumiin ja oassi dieđus boahtá njuolgga ovdamearkka dihte gielddain. Jos eanadagas leahkki diehtu ii leat dulkomis ovdamearkka dihte gáidduskártenmateriálas, min kártejeaddjit fitnet geahččamin dili báikki alde ja divvot dieđuid eanadatdiehtovuđđui.
Naba juos fuomáša, ahte kárttá giddodatrádjá ii vástit dasa, maid oaidná eanadagas? Giddodatráját kárttáin leat registtardili mieldásaš ráját. Giddodatráját leat kárttás sullasaččat, go rádjágeđggiid koordináhtain sáhttet leat historjjálaš sujaid geažil joba máŋgga mehtera erohus.
– Eahpečielga diliin gánneha ohcat mis rádjágeavvandoaimmahusa. Dalle rádjá čielggaduvvo eanadagas ja das aiddostahtto maid kártái, go rádjágeđggiid koordináhtat mihtiduvvojit modeardna teknihkain, muittuha jođiheaddji áššedovdi Teemu Saloriutta.
Mo máhcahaga sáhttá addit?
Spiehkastagat eanadaga ja kárttá gaskii šaddet dalle, go eanadagas dáhpáhuvvet nuppástusat. Nuppástus sáhttá leat váikkoba biđgejuvvon visti dahje ođđa geaidnu. Diehtu nuppástusain ii álot sirdojuvvo Eanamihtidanlágádussii. Máhcahaga kárttá feaillain sáhttá addit álkit Kártabáikki máhcahatreaidduin (suomagillii). Geavaheaddji sáhttá njuolgga čujuhit kárttás báikki, masa máhcahat guoská.
– Divvun sáhttá ihtit kártái moadde beaivvis, muhto gieđahallanáiggis leat dieđusge erohusat dan mielde, makkár máhcahagas lea gažaldat. Juohke dáhpáhusas mii viggat dikšut kárttá dieđuid riekta nu jođánit go vejolaš, juos dain albmanit feaillat, Teemu Saloriutta dadjá.
Kárttá dieđuid ii sáhte nuppástuhttit ieš
Medias leat maŋimuš áiggiid muitalan earret eará kártábálvalussii ihtán, suohttasa dihte nuppástuhtton skuvlla namas sihke eará lobihis nuppástusain, mat oidnojit fáhkka kárttá geavaheaddjiide. Dalle duogášmateriálan lea juoga earáid go Eanamihtidanlágádusa fállan kártá.
– Eanamihtidanlágádusa kárttáid geavaheaddjit eai beasa ieža lasihit dahje divvut dieđuid. Mii sihkkarastit dárkilit, ahte ožžojuvvon máhcahaga vuođul dieđu duođai dárbbaša divvut, kártáhoavda Reima Ronkainen muitala.
Applikašuvnna bajásdoalli, ávkkástala materiálamáhcahatlavtta
Juos don ávkkástalat Eanamihtidanlágádusa kártámateriálaid iežat buvttadan báikediehtoapplikašuvnnas, gánneha ávkkástallat maid materiálamáhcahatlavtta. Dan bokte sáhttá sáddet Eanamihtidanlágádusa materiálii guoski máhcahaga njuolgga applikašuvnnas. Ná máhcahat sáddejuvvo njuolgga midjiide, ja mii beassat divvut feaillaid.
Atte máhcahaga kárttá boasttu dieđuin (suomagillii)
Loga maid: Kiinteistöni rajat ovat kartalla vinksallaan - onko syytä huolestua? (suomagillii)
