Giddodaga oamasteaddjit oidnet dál Eanamihtidanlágádusa elektrovnnalaš áššiiddikšunbálvalusas iežaset giddodagaide čuohcci geavahanvuoigatvuođaid ja ráddjehusaid mávssu haga. Oamasteaddjit ja árbegottit dihtet dábálaččat oalle bures fanassátkkuid ja eará giddodaga oamastussii gullevaš geavahanvuoigatvuođaid, muhto heahkastumitge sáhttet gávdnot.
Giddodagaid girjás geavahanvuoigatvuođat ja ráddjehusat
Geavahanvuoigatvuođat sáhttet guoskat ovdamearkka dihte geainnu geavaheapmái dahje oktasaš guovllu ávkkástallamii.
- Giddodaga oamasteaddjin don sáhtát ávkkástallat dáid vuoigatvuođaid. Oassi vuoigatvuođain leat gal viehka boarrásat ja daid mearkkašupmi lea láhppon otná beaivve, lohká Eanamihtidanlágádusa jođiheaddji áššedovdi Outi Peltola.
Eret váldojuvvon historjjálaš merkemat leat ovdamearkka dihte beallemasa luvvadanbáikkit ja šibihiid vuojehanvuoigatvuođat. Historjá dihtto bálvalusas goittotge ovdamearkka dihte telefonjohtasa doallan -merkemin.
Giddodagaide sáhttet guoskat maiddái iešguđetlágan ráddjehusat, maid oamasteaddji gánneha diđoštit. Giddodagas sáhttá leat soahpamuš nuppi oassebeliin giddodaga hálddašeamis dahje láigovuoigatvuohta, mas leat láigolaččat.
- Geaidnovuoigatvuođat sáhttet namas fuolakeahttá ráddjet giddodaga geavaheami, go geaidnu giddodaga guovllus sáhttá leat maiddái eará giddodagaid geavahusas. Buot dáid iežas giddodaga dieđuid sáhttá dutkat kárttás áššiiddikšunbálvalusas, Peltola muitala.
Áššiiddikšunbálvalusas sáhttá viežžat maid girjenáššiid mearrádusáššegirjjiid
Áššiiddikšunbálvalusa ođđa veršuvnnas lea dál maid vejolašvuohta luđet girjenáššiid mearrádusáššegirjjiid. Lágačuorvagii, giddehussii dahje erenoamáš vuoigatvuhtii laktáseaddji registreremii guoskevaš dieđut čájehuvvojit áššiiddikšunbálvalusa álggahanoidnosis. Mearrádusáššegirji boahtá luđen láhkái mearrádusa čuovvovaš beaivve ja lea luđemis guhtta mánotbaji áiggi.
Čálit iežat sisa áššiiddikšunbálvalussii ja geahča mat dieđuid du giddodagas gávdnojit: