Diehtu vistti eaiggádii

Jagi 2019 váldojuvvui atnui vistediehtovuogádat, masa čoggojuvvojit dađistaga dieđut oasusvisttiin, daid eaiggátvuođain ja bántemiin. Báberoasusgirjjiin luhppojuvvo muttuid mielde jagi 2019 álggu rájes ja diehtu oasusvisttiid eaiggádiin dolvojuvvo Eananmihtidanlágádusa bajásdoallan vistediehtovuogádahkii.

Ođđa, 1.1.2019 maŋŋel vuođđuduvvon, fitnodagat leat vuođđudeami rájes njuolga vistediehtovuogádagas. Oasusgirjjit eai prentejuvvo, muhto dieđut oasusvisttiid eaiggátvuođain, bántemiin ja ráddjemiin ožžojuvvojit vistediehtovuogádagas.

Boares, ovdal 1.1.2019 vuođđuduvvon, dállofitnodagaid sirdáseapmi vistediehtovuogádahkii dáhpáhuvvá guovtti muttus. Vuohččan dállofitnodagat galget sirdit oasuslogahallama vistediehtovuogádahkii. Easka dán maŋŋel sáhttá ovttaskas oasusvistti eaiggátvuohta registrerejuvvot šleađggalaš vuogádahkii.

Vistediehtovuogádaga atnuiváldin ii dagat njuolggodoaibmabijuid oasusvistti eaiggádii. Ovttaskas eaiggát bargá dego ovdalge dassážii, go dállofitnodat lea dahkan oasuslogahallama sirdima. Eaiggátvuoigatvuođa duođaštus vuođđuduvvá ain báberoasusgirjái ja osolaš sáhttá geavahit oasusvuoigatvuođaid omd. fitnodatčoahkkimis dego dánnai rádjái. Oasusgirji sáhttá leat ain loana sihkarvuohtan dehe muđuid seailluhusas báŋkkus.

Mas don oainnát iežat dállofitnodaga dili?

Go du dállofitnodaga oasuslogahallan lea sirdojuvvon vistediehtovuogádahkii, ilmmuha fitnodat das ossosa eaiggádiidda. Oasuslogahallama sirdin galgá dahkkojuvvot jagi 2022 loahpa rádjái. Dieđu das, leago fitnodat dahkan sirdima, oaččut maŋŋel dállofitnodagas dehe hovdejeaddjis. Diehtu ferte maid merkejuvvot hovdejeaddjiduođaštussii. Maiddái Eananmihtidanlágádusas sáhttá jearrat dállofitnodaga dili.

Eaiggátvuođa registreren

Oasuslogahallama sirdima maŋŋel sáhtát ohcat iežat eaiggátvuođa registrerema sihke dahkat duššin báberoasusgirjját Eananmihtidanlágádusas.

Eaiggátvuođa registrerema ja báberoasusgirjji duššin dahkan ferte ohccojuvvot logi jagi siste das, go dállofitnodat lea sirdán oasuslogahallamis vistediehtovuogádahkii. Bákkolaš eaiggátvuođa registreren lea, go oasusvisti molsu vuosttaš háve eaiggáda oasuslogahallama sirdima maŋŋel. Sáhtát maid fápmudit báŋkku ohcat registrerema iežat beales.

Loga lasi eaiggátvuođa registreremis (suomagillii)