Eanamihtidanlágádusas sáhttá oastit lanjadatdiehtovuogádaga čáláhusaid.
Juos háliidat oastit giddodagaid váldosiid ja duođaštusaid, loga rávvagiid Oastte giddodagaid váldosiid ja duođaštusaid -siiddus.
Persovdnaáššehasaide áššehasbálvalusa birra
Persovdnaáššehas sáhttá oastit lanjadatdiehtovuogádaga čáláhusaid dál dušše min áššehasbálvalusas. Sáhtát dahkat diŋgoma riŋgemiin min áššehasbálvalussii dahje sáddemiin šleađgapoastta čujuhussii asiakaspalvelu@maanmittauslaitos.fi.
Organisašuvdnaáššehasaide diŋgonskoviin
Organisašuvdnaáššehasat sáhttet oastit lanjadatdiehtovuogádaga čáláhusaid diŋgomiin daid skoviin. Almmut diŋgoma oktavuođas, háliidatgo váldosiid pdf-fiilan šleađgapoastasat vai báhpára alde poastta mielde.
Vuovdinláhkái čáláhusat
Vállje, dárbbašatgo oasuslanjadatčáláhusa vai oasuslogahallama.
Oasuslanjadatčáláhus (Lanjadatdiehtovuogádat)
Oasuslanjadatčáláhusas addojuvvojit vuođđodieđut ásodatsearvvi ja lanjadagaid birra sihke dieđut lanjadagaid oamasteaddjiin, pántemiin ja ráddjehusain.
Oasuslanjadatčáláhusa sáhttá čálihit, juos ásodatsearvi lea juo lanjadatdiehtovuogádagas ja oasuslanjadahkii lea registrerejuvvon elektrovnnalaš oamasteaddjimerken.
Geahča oasuslanjadatčáláhusa dárkilut válddahallama (suomagillii).
Oasuslanjadatčáláhusa diŋgoma várás spesifiserendiehtun dárbbašuvvojit ásodatsearvvi f-dovddaldat ja namma sihke lanjadaga dárkilis čujuhus (omd. Mannerheimintie 8 A 1b). Maiddái oasuslanjadaga oamasteaddji namma lea buorre leat diŋgomis, juos dat lea dieđus. Čáláhus sisttisdoallá persovdnadieđuid, nappo geavahanulbmila galgá almmuhit, omd. kredihtaaddin.
Oasuslogahallan (Lanjadatdiehtovuogádat)
Oasuslogahallan lea váldoáššálaččat ásodatsearvvi ja oasusdoalliid geavahussii oaivvilduvvon čáláhus olles ásodatsearvvi lanjadagain ja daid oamasteaddjiin. Ásodatsearvái ja oasuslanjadahkii guoskevaš dieđut sihke oamasteaddji namma leat almmolaš dieđut.
Oasuslogahallama sáhttá čálihit, juos ásodatsearvi lea juo lanjadatdiehtovuogádagas.
Geahča oasuslogahallama dárkilut válddahallama (suomagillii).
Oasuslogahallama diŋgoma várás dárbbašuvvo ásodatsearvvi f-dovddaldat ja namma. Čáláhusas oidno olbmo namma. Ásodatsearvvi oasusdoalli dahje eará olmmoš, geas lea ákkastallojuvvon geavahanulbmil, sáhttá fidnet oasuslogahallamis veršuvnna, mas čájehuvvo maiddái olbmo riegádanáigi ja čujuhus. Oasuslogahallan ii doala sisttis lanjadagaide guoskevaš pántemiid, nappo kredihttaaddit dárbbašit oasuslanjadatčáláhusa.