Oasuslanjadaga oamastus sáhttá leat juogo báberhámát oasusgirji dahje elektrovnnalaš oamasteaddjimerken lanjadatdiehtovuogádagas.
Ovdal ásodatgávppi
- Atte oastái álot oasuslanjadatčáláhusa ja váldosa oasuslogahallamis. Čáláhusain oasti oaidná lanjadaga oamastan-, pánten- ja ráddjendieđuid.
- Juos vuovdin láhkái lanjadagas lea elektrovnnalaš oamasteaddjimerken, sáhtát oastit čáláhusaid Eanamihtidanlágádusa Áššiiddikšunbálvalusas (suomagillii).
- Eará dáhpáhusas sáhtát diŋgot čáláhusaid Eanamihtidanlágádusa áššehasbálvalusas.
- Giddodatvuovdi sáhttá fidnet čáláhusaid maid iežas vuogádatdoaimmaheaddji bálvalusa bokte.
- Fuom! Lanjadatdiehtovuogádaga čáláhusaid ii sáhte geavahit hovdejeaddjiduođaštusa sajis, nu ahte muitte háhkat ásodatsearvvis maid hovdejeaddjiduođaštusa gávppi várás.
- Juos lanjadagas lea ain báberhámát oasusgirji, dárkkis, ahte oasusgirji gávdno gávppi dahkama várás. Juos oasusgirji lea láhppon, oza oasusgirjji jámiheami gearretrievttis ovdal ásodatgávppi.
- Fuom! Juos juogatkeahtes jápminbeasi osolaččat vuvdet jábmi namas leahkki lanjadaga, oamastusa registrerema nappo jápminbeasi čielggadeami gánneha dahkat ovdal ásodatgávppi. Dalle oastái ii dárbbaš addit jábmi árbegirjji ja sohkačielggadusa oamastusa registrerema várás.
Ásodatgávpedilis
- Juos oasuslanjadagas lea elektrovnnalaš oamasteaddjimerken, atte oastái miehtama oamastusa registreremii.
- Juos leaskkas dahje testameantaoažžus lea hálddašan- dahje geavahanvuoigatvuohta vuovdin láhkái lanjadahkii, muitte dáhttut miehtama lanjadaga vuovdimii. Miehtan sáhttá leat vuolláičálus gávpegirjjis dahje eará čálalaš miehtan.
- Juos oasuslanjadagas lea báberhámát oasusgirji, daga oasusgirjái sirdinmerkema ja luobat báberhámát oasusgirjji oastái.
- Fuom! Atte oastái dárbbu mielde váldegirjji fitnodatčoahkkimii oassálastima várás, go gávpegirji ii leat rehkkevaš duođaštus oassálastinvuoigatvuođas. Ásodatsearvi dárkkista ovdal ásodatsearvečoahkkinbovdehusa sáddema oamasteaddjidieđuid lanjadatdiehtovuogádagas, muhto oasti oamastusa registreremis sáhttá ádjánit moadde mánotbaji.
Ásodatgávppi maŋŋá
- Ođđa oamasteaddji dahje su báŋku ohcá gávppi dahkama maŋŋá oamastusa registrerema lanjadatdiehtovuogádahkii.
Geahča maid
Áššiiddikšunveahkki: Ná registreret oasuslanjadaga oamastanvuoigatvuođa (suomagillii). Áššiiddikšunveahkis sáhtát dárkkistit, mo oasuslanjadaga oamastus registrerejuvvo ásodatgávppi oktavuođas.
Dieđut ja rávvagat ásodatgávpái (suomagillii) Gilvvohallan- ja golaheaddjivirgedoaimmahaga neahttasiidduin.