Oasuslanjadaga oamastus sáhttá leat juogo báberhámát oasusgirji dahje elektrovnnalaš oamasteaddjimerken lanjadatdiehtovuogádagas.
Ovdal ásodatgávppi
- Oahpásmuva vuovdin láhkái lanjadahkii.
- Čielggat vuovdis, leago oasuslanjadagas báberhámát oasusgirji vai elektrovnnalaš oamasteaddjimerken.
- Dáhtu vuovdis hovdejeaddjiduođaštusa ja dárkkis, ahte vuovdi lea merkejuvvon duođaštussii lanjadaga oamasteaddjin.
- Dárkkis álot oasuslanjadatčáláhusa. Juos oasuslanjadagas lea ain báberhámát oasusgirji, dárkkis maid váldosa oasuslogahallamis. Čáláhusain oainnát oamastan-, pánten- ja ráddjendieđuid, mat váikkuhit dasa, sáhttágo lanjadaga vuovdit. Dáhtu čáláhusaid vuovdis dahje giddodatvuovdis.
- Fuom! Dáhtu gávppi oktavuođas vuovdis váldegirjji fitnodatčoahkkimii oassálastima várás, go gávpegirji ii leat rehkkevaš duođaštus oassálastinvuoigatvuođas. Ásodatsearvi dárkkista oamasteaddjidieđuid lanjadatdiehtovuogádagas, muhto du oamastusa registreremis sáhttá ádjánit moadde mánotbaji.
Ásodatgávppi maŋŋá
- Daga váriidsirdinvearroalmmuhusa (suomagillii) ja mávsse váriidsirdinvearu Vearrohálddahusa Omavero-bálvalusas. Juos ásodatgávppis lea mielde giddodatvuovdi, son rávve váriidsirdinvearu máksimis ja dahká váriidsirdinvearroálmmuhusa Vearrohálddahusa bálvalusas. Fuom! Mávsse váriidsirdinvearu ovdal go ozat oamastusa registrerema.
- Oza iežat oamastusa registrerema lanjadatdiehtovuogádahkii. Juos leat váldán loana báŋkkus ásodatgávppi várás, báŋku dikšu dábálaččat oamastusa registrerema du beales.
- Go vástidat áššiiddikšunveahki jearaldagaide (suomagillii), sáhtát dárkkistit, mo ozat oasuslanjadaga oamastusa registrerema sierra diliin, ovdamearkka dihte go lanjadagas lea báberhámát oasusgirji dahje elektrovnnalaš oamasteaddjimerken.
Geahča maid
Lanjadaga oamastusa registrerema mearreáiggit (suomagillii)
Juos ásodatsearvi lea ain huksenmuttus, oahpásmuva RS-meannudeapmái ásodatgávppis (suomagillii)
Dieđut ja rávvagat ásodatgávpái (suomagillii) Gilvvohallan- ja golaheaddjivirgedoaimmahaga neahttasiidduin.