Giddodaga rájáid čielggadeapmi

Rádjejohtimis čielggadit rájá báikki, cegget dárbbašlaš rádjemearkkaid jávkan mearkkaid sadjái ja merket dárbbašettiin rádjelinjá eatnamii. Rájá báikki čoavddedettiin ávkkástallat meahcceáicamiid (ovdamearkan meahci gieđahallan, rádjeáiddi bázahusat), gávdnon rádjemearkkaid, doaimmahuskárttaid ja eanaoamasteaddjiid dieđu rájá báikkis.

Rádjamearka sáhttá maiddái sirdojuvvot unnit vahátlaš báikái, jus dat lea áitojuvvon dušše ovdamearkan rogganbarggu geažil. Rádjejohtima galgá ohcat ovdal bargguid álggaheami. Dat gánneha, go rádjemearkka sirdin ovddalgihtii lea hálbbit go jávkan rádjemearkkaid ceggen ođđasit rogganbarggu maŋŋá dahkkon rádjejohtimis. Rájá sajádat bissu rádjemearkka sirdimis ovddeš sajis.

Rádjejohtima sáhttá ohcat giddodaga oamasteaddji dahje oasseoamasteaddji, láigovuoigatvuođa hálddašeaddji, gielda dahje olmmoš, gean vuoigatvuođa rádjejohtin njuolgga guoská (ovdamearkan oktasaš guovllu oasálaš).

Oza rádjejohtima

  1. Čohkke vejolaš mildosiid ja vurke daid pdf- dahje jpg-hámi.
  2. Oza doaimmahusa Áššiiddikšunbálvalusas (suomagillii): vállje vuos giddodaga ja makkár doaimmahusa ozat, deavdde dasto ohcamuša dieđuid ja lavtte ohcamuššii vejolaš mildosiid.

Sáhtát ohcat doaimmahusa maiddái bábir ohcanskoviin (pdf), jus dus ii leat vejolašvuohta geavahit Áššiiddikšunbálvalusa.

Doaimmahusa bistin

Doaimmahus bistá gaskamearálaččat 3,5 mánotbaji. Doaimmahusa gieđahallanáigi álgá ohcamušastat ja nohká doaimmahusmearrádusa registreremii giddodatdiehtovuogádahkii.

Haddi

Hattit, suomagillii.