Oza giddehusa, juos háliidat geavahit giddodaga dahje láigovuoigatvuođa loana dáhkádussan.
Giddehus lea doaisttážii fámus. Dan galgá jámihit sierra.
Maid giddehus mearkkaša?
Giddehus mearkkaša merkema giddodatdiehtoregistarii. Giddehusa sáhttá geavahit loana dáhkádussan.
Giddodatdiehtoregistaris oidnojeaddji giddehus ii álot mearkkaš dan, ahte giddehus livččii loana dáhkádussan. Giddodaga oamasteaddji sáhttá čielggadit giddehusa oažžus (dábálaččat báŋku), leago giddodat loana dáhkádussan.
Ná ozat giddehusa
- Daga giddehusohcamuša ieš dahje dáhto iežat báŋkku válmmaštallat ohcamuša Giddodatgávppi bálvalusas. Oaččut mearrádusa iezat áššái dalán, juos registtarmerkemat eai dan eastte. Du oamastus giddodahkii galgá oidnot giddodatdiehtoregistaris, vai giddehusa sáhttá nannet.
-
Dihto dáhpáhusain it sáhte ohcat giddehusa Giddodatgávppi bálvalusas. Juos it sáhte ohcat giddehusa Giddodatgávppi bálvalusas, sáhtát dahkat dan Áššiiddikšunbálvalusas
- persovdnaáššehasat (suomagillii) - Juos it sáhte geavahit min fierbmebálvalusaid, sáhtát ohcat giddehusa skoviin (suomi.fi, suomagillii).
Gieđahallanáigi
Ohcamušaid gaskamearálaš gieđahallanáiggit (suomagillii)
Giddehusaid nuppástusat
Giddehusa sirdin
Giddehusa sirdin mearkkaša dan, ahte giddehusa oažžu nuppástuvvá. Giddehusa oažžu lea dábálamosat báŋku, mii ruhtada giddodatgávppi. Giddehusa oažžudiehtu ferte leat áiggi dásis. Giddehusa sirdima sáhttá ohcat giddehusa oažžu. Ovdamearkka dihte go leat máksán iežat loana ollásit, dáhtu iežat báŋkku ohcat giddehusa sirdima.
Oza giddehusa sirdima Giddodatgávppi bálvalusas, juos leat giddehusa oažžu.
Giddehusa nuppástuhttin
Giddehusa nuppástuhttin mearkkaša ovdamearkka dihte dan, ahte giddehusa ovdasadji eará giddehusaid ektui nuppástuhtto dahje giddehus viiddiduvvo eará giddodagaide.
Oza giddehusa nuppástuhttima Áššiiddikšunbálvalusas (persovdnaáššehasat (suomagillii) ja organisašuvdnaáššehasat (suomagillii)). Juos it sáhte geavahit min fierbmebálvalusaid, sáhtát ohcat giddehusa skoviin (suomi.fi, suomagillii).
Giddehusa burgin ja jámiheapmi
Giddehusa burgin dahkkojuvvo dávjá nu, ahte giddehusmerken sihkkojuvvo mearreviidodagas, mii lea vuvdojuvvon giddodagas. Giddehusa jámiheamis olles giddehus sihkkojuvvo lágačuorvva- ja giddehusregistaris.
Sáhtát ohcat burgima ja jámiheami skoviin (suomi.fi, suomagillii) dahje elektrovnnalaččat Giddodatgávppi bálvalusas.
Giddehusa burgin
Giddehusa burgin mearkkaša ovdamearkka dihte dan, ahte giddehusmerken sihkkojuvvo giddodagas vuvdojuvvon mearreviidodagas.
Oza giddehusa burgima Áššiiddikšunbálvalusas (persovdnaáššehasat (suomagillii) ja organisašuvdnaáššehasat (suomagillii). Juos it sáhte geavahit min fierbmebálvalusaid, sáhtát ohcat giddehusa skoviin (suomi.fi, suomagillii).
Giddehusa jámiheapmi
Giddehusa jámiheapmi oaivvilda dan, ahte olles giddehus sihkkojuvvo giddodatdiehtoregistaris.
Sáhtát ohcat jámiheami Giddodatgávppi bálvalusas.
Muhtin diliin giddehusa jámiheami ii sáhte ohcat Giddodatgávppi bálvalusas. Dalle sáhtát ohcat jámiheami Áššiiddikšunbálvalusas (persovdnaáššehasat (suomagillii) ja organisašuvdnaáššehasat (suomagillii)). Juos it sáhte geavahit min fierbmebálvalusaid, sáhtát ohcat giddehusa jámiheami skoviin (suomi.fi, suomagillii).
Haddi ja máksin
Juohke giddehus dahje dan nuppástus máksá sierra. Ovdamearkka dihte juos ozat golmma ođđa giddehusa, mávssát juohke giddehusas.
Juos ozat giddehusa Giddodatgávppi bálvalusas dahje Áššiiddikšunbálvalusas, mávssát giddehusa jo ohcanmuttus. Juos ozat giddehusa skoviin, oaččut rehkega mearrádusa maŋŋá.
Giddodat loana dáhkádussan
Giddehusášši gieđahallamis berrojuvvo máksu juohke nannejuvvon giddehusa oasil sierra.