Vuoigatvuohta geavahit nuppi oamastan guovllu gohčoduvvo geavahanvuoigatvuohtan dahje losádussan. Geavahanvuoigatvuohta sáhttá leat vuoigatvuohta geavahit gáivu, čáhce- dahje duolvačáhcebohcci dahje doallat fatnasa nuppi oamastan guovllus.
Eará geavahanvuoigatvuođat leat vuoigatvuohta geavahit geainnu, giddodaga láigovuoigatvuohta (suomagillii) dahje hálddašeami juohkosoahpamuš (suomagillii).
Goas geavahanvuoigatvuođa gánneha registreret?
Geavahanvuoigatvuođa registrerema gánneha dahkat, go leat soahpan vuoigatvuođas nuppiin giddodatoamasteddjiin ja háliidat sihkkarastit soahpamuša bissovašvuođa. Geavahanvuoigatvuođa registreren sihkkarastá dan, ahte vuoigatvuohta ii leat dušše dahkkojuvvon soahpamušas sorjavaš. Geavahanvuoigatvuohta bissu fámus ovdamearkka dihte dalle, go giddodatoamasteaddji molsašuvvá.
Geavahanvuoigatvuohta galgá leat sohppojuvvon giddodatoamasteddjiin. Vuoigatvuođa leat sáhttán soahpat dihtto olbmo dahje giddodaga buorrin.
Olbmo buorrin sohppojuvvon vuoigatvuođa sáhttá registreret sierravuoigatvuohtan. Vuoigatvuohta lea fámus mearreáiggi ja lea dušše vuoigadahtton olbmos.
Giddodaga buorrin sohppojuvvon vuoigatvuođa sáhttá registreret losádusdoaimmahusas. Vuoigatvuohta lea bissovaš ja sirdašuvvá čuovvovaš oamasteaddjái, go giddodatoamasteaddji molsašuvvá.
| Sierravuoigatvuohta | Losádus |
|---|---|
| Vuoigatvuohta olbmo buorrin | Vuoigatvuohta giddodaga buorrin |
| Geavahanvuoigatvuohta dušše vuoigadahtton olbmos | Geavahanvuoigatvuohta giddodatoamasteaddjis |
| Fámus mearreáiggi | Dábálaččat fámus bissovaččat |
| Sáhttá vuođđudit dušše dihtto tiippa vuoigatvuođaid (geahča dárkilis listtu eatnangeavllis (suomagillii)) | Sáhttá vuođđudit dušše dihtto tiippa vuoigatvuođaid (geahča dárkilis listtu giddodathábmenlágas (suomagillii)) |
| Máksá 172 euro | Máksá sullii 750 - 1 500 euro |
| Gieđahallanáigi sullii 2 mánotbaji | Gieđahallanáigi sullii 4 mánotbaji |
Go dieđát, ozatgo sierravuoigatvuođa vai losádusa, geahča registrerenrávvagiid:
Ná ozat sierravuoigatvuođa registrerema
- Čohkke vejolaš mildosiid ja vurke daid pdf- dahje jpg-hámis.
Oza sierravuoigatvuođa registrerema Áššiiddikšunbálvalusas:
- persovdnaáššehasat (suomagillii)
- organisašuvdnaáššehasat (suomagillii)Bálvalussii sáhttet čálihit iežaset organisašuvnna beales sisa dat olbmot, geaidda lea merkejuvvon gávperegistarii organisašuvnna nammačállinvuoigatvuohta.
- Vállje vuos giddodaga, masa ozat sierravuoigatvuođa registrerema. Vállje “Registrere eará vuoigatvuođa” ja “Oza sierravuoigatvuođa girjema”.
- Deavdde ohcamuša dieđuid ja lavtte ohcamuššii vejolaš mildosiid.
Sierravuoigatvuođa registreren máksojuvvo Áššiiddikšunbálvalusas ohcamuša oktavuođas.
Juos it sáhte geavahit min elektrovnnalaš bálvalusaid, sáhtát ohcat sierravuoigatvuođa girjema maid ohcamušskoviin (suomi.fi) (suomagillii) .
Juos háliidat áššegirjjiid elektrovnnalaččat alccet, váldde suomi.fi-dieđuid atnui (suomagillii).
Sierravuoigatvuođa haddi
Sierravuoigatvuođa registreren máksá 172 euro.
Sierravuoigatvuođa muttut ja bistin
Registreren bistá sullii 2 mánotbaji.
- Mii dutkat ohcamuša.
- Dárbbu mielde mii bivdit lassečielggadusa.
- Ođđa dieđut oidnojit registaris.
- Oaččut rehkega. Máksináigi lea tiippalaččat 30 beaivvi.
Ná ozat losádusa registrerema losádusdoaimmahusas
- Soaba losádusas giddodatoamasteddjiin. Soahpamii sáhttá geavahit válmmaš soahpamušmálle (suomi.fi) (suomagillii).
- Čohkke mildosiid, dego soahpamušaid ja kártásárgosiid, ja vurke daid pdf- dahje jpg-hámis.
Oza losádusa registrerema Áššiiddikšunbálvalusas:
- persovdnaáššehasat (suomagillii)
- organisašuvdnaáššehasat (suomagillii)Bálvalussii sáhttet čálihit iežaset organisašuvnna beales sisa dat olbmot, geaidda lea merkejuvvon gávperegistarii organisašuvnna nammačállinvuoigatvuohta.
- Vállje vuos giddodaga, masa ozat losádusa registrerema. Vállje “Eanamihtidandoaimmahusat” ja “Oza losádusdoaimmahusa”.
- Deavdde ohcamuša dieđuid ja lavtte ohcamuššii vejolaš mildosiid.
Sáhtát ohcat doaimmahusa maiddái báberhámát ohcamušskoviin (suomi.fi) (suomagillii), juos dus ii leat vejolašvuohta geavahit Áššiiddikšunbálvalusa.
Juos háliidat doaimmahusa áššegirjjiid elektrovnnalaččat alccet, váldde suomi.fi-dieđuid atnui (suomagillii).
Losádusdoaimmahusa haddi
Losádusdoaimmahusa haddái váikkuhit vuoigatvuođa viiddisvuohta ja losiduvvon giddodagaid mearri. Ovdamearkka dihte gáivovuoigatvuođa vuođđudeapmi ovtta giddodaga guovllus máksá 1 210 €.
Hattis lea vejolaš oažžut 50 % vuoládusa. Vuoládusa oažžu, juos buot gieđahallan láhkái áššiin lea sohppojuvvon ovddal gihtii ja sáddet soahpamuša ohcamuša mielde. Vuoládusas mearriduvvo loahpalaččat doaimmahusas.
Losádusdoaimmahusa muttut ja bistin
Losádusdoaimmahus bistá sullii 4 mánotbaji.
Ohcamuša maŋŋá
- Oaččut almmuhusa, mas leat losádusdoaimmahusa gieđahalli eanamihtidaninšenevrra oktavuođadieđut. Sáhtát váldit oktavuođa eanamihtidaninšenevrii, juos losádusdoaimmahusas lea hoahppu.
- Don oaččut almmuhusa das, goas losádusdoaimmahus dahkkojuvvo. Eanamihtidaninšenevra sádde almmuhusa sullii mánotbaji ovdal gieđahallama.
Losádusdoaimmahus (sullii 3 mánotbaji ohcamušas)
- Báikki alde eanamihtidaninšenevra mihtida dárbbu mielde losádusa saji kártái.
- Eanamihtidaninšenevra mearrida, sáhttágo losádusa vuođđudit.
- Eanamihtidaninšenevra meroštallá losádusas máksin láhkái buhtadusa, juos dat ii leat sohppojuvvon.
- Losádusdoaimmahus gieđahallo čoahkkimis, mas ii leat vealtemeahttun leat mielde. Čielga áššiin gieđahallama sáhttá dahkat čoahkkima haga.
Losádusdoaimmahusa maŋŋá (sullii 1 mánotbadji gieđahallamis)
- Ođđa dieđut oidnojit registaris.
- Oaččut rehkega, juos don leat losádusdoaimmahusas meroštallon máksin. Máksináigi lea tiippalaččat 30 beaivvi.
Almmuhuvvon áiggit leat gaskamearálaččat. Áiggiide váikkuha ovdamearkka dihte jagiáigi, go dálvit ii leat dábálaččat vejolaš dahkat mihtidemiid.