Go giddodaga oamasteaddji molsašuvvá, ođđa oamasteaddji galgá ohcat oamastusa registrerema nappo lágačuorvaga giddodatdiehtoregistarii. Sáhtát ohcat oamastusa registrerema olles giddodahkii dahje oassái giddodagas. Registrerema maŋŋá oamasteaddjidiehtu oidno giddodatdiehtoregistaris.
Oza oamastusa registrerema nu jođánit go vejolaš, maŋimustá 6 mánotbaji siste gávpegirjji dahje soahpamuša vuolláičállimis. Go giddodaga oamastus lea registrerejuvvon, sáhtát geavahit giddodaga loana dáhkádussan.
Sáhtát ohcat oamastusa registrerema seammá ohcamušain buot giddodagaide, maidda gávpegirji dahje soahpamuš guoská. Sáhtát ohcat oamastusa registrerema iežat ja nuppiid beales.
Váriidsirdinvearru
Váriidsirdinvearu galgá máksit ovdal go ozat oamastusa registrerema. Daga váriidsirdinvearroalmmuhusa ja mávsse vearu Vearrohálddahusa Omavero-bálvalusas. Diehtu mávssus boahtá automáhtalaččat Eanamihtidanlágádussii. Juos váriidsirdinvearru ii leat máksojuvvon, maŋŋonanreantu álgá čoggot dalán oamastusa registrerema ohcama maŋŋá.
Juos gávpenannejeaddji ohcá giddodaga oamastusa registrerema du beales, don galggat dahkat váriidsirdinvearroalmmuhusa ja máksit vearu seammá beaivvi go gávpenannejeaddji sádde ohcamuša.
Loga lasi váriidsirdinvearu máksimis Vearrohálddahusa siidduin.
Buoremus vuohki ohcat oamastusa registrerema lea gitta du dilis
- Juos leat dahkan giddodatgávppi Giddodatgávppi bálvalusas, don it dárbbaš ohcat oamastusa registrerema sierra.
- Juos leat soahpan, ahte gávpenannejeaddji dahje oktavuođaolmmoš ohcá oamastusa registrerema du beales, don it dárbbaš ohcat oamastusa registrerema sierra. Sáhtát dárkkistit Áššiiddikšunbálvalusas, leago ohcamuš jo álggahuvvon. Fuom! Don galggat dahkat váriidsirdinvearroalmmuhusa ja máksit vearu seammá beaivvi, go gávpenannejeaddji sádde ohcamuša.
- Sáhtát ohcat giddodaga oamastusa registrerema Áššiiddikšunbálvalusas
- persovdnaáššehasat (suomagillii)
- organisašuvdnaáššehasat (suomagillii)
Sáhtát ohcat oamastusa registrerema moadde beaivvi siste gávpegirjji dahje soahpamuša vuolláičállimi.
Čielggadat álkit du dárbbašan mildosiid áššiiddikšunveahkis. Fuom! Dárbbašat mildosiid elektrovnnalaš fiilan ovdal ohcamuša álggaheami. Ohcamuša ii sáhte vurket gaskandagu ja joatkit maŋŋá. - Juos it sáhte geavahit Áššiiddikšunbálvalusa, sáhtát ohcat giddodaga oamastusa registrerema skoviin (suomi.fi, suomagillii). Maiddái oktavuođaolmmoš sáhttá ohcat oamastusa registrerema seammá skoviin.
Dárbbašlaš mildosat
Čielggadat álkit du dárbbašan mildosiid áššiiddikšunveahkis (suomagillii).
Juos leat ožžon bivdaga dievasmahttit jo dahkkon ohcamuša, sáhtát dievasmahttit ohcamuša Áššiiddikšunbálvalusa bokte.
Gieđahallanáigi
Ohcamušaid gaskamearálaš gieđahallanáiggit (suomagillii).
Hattit (suomagillii)
Giddodagaid oamastanvuoigatvuođa registrerema (Lágačuorvva)