Ovdal priváhtageaidnodoaimmahusa ohcama gánneha soahpat áššis eará eananoamasteddjiiguin ja geainnu geavaheddjiiguin, juos dat beare lea vejolaš. Soahpamuša dahkan álkuda ja jođálmahttá ášši gieđahallama. Soahpamuša dahkamii sáhtát geavahit válmmaš soahpamušskovi (suomagillii) dahje dahkat soahpamuša eará vugiin. Juos soahpan ii leat vejolaš, ášši sáhttá goittotge gieđahallat priváhtageaidnodoaimmahusas.
Soahpat sáhttá geaidnovuoigatvuođa vuođđudeamis, govddideamis, sirdimis dahje eará nuppástuhttimis. Maiddái geaidnovuoigatvuođa heaittiheamis sáhttá soahpat, juos geaidnovuoigatvuhtii ii leat šat dárbu.
Buot sohppojuvvon áššiid ii sáhtte ollašuhttit priváhtageaidnodoaimmahusas. Bissovaš geaidnovuoigatvuođa ii dábálaččat sáhte vuođđudit ovdamearkka dihte šilju čađa. Ášši gieđahalli Eanamihtidanlágádusa eanamihtidaninšenevra čoavdá ášši dáhpáhusa mielde.
Mii ávkkiid lea soahpamis?
Áššiid soahpan jo ovdal daid virggálaš gieđahallama bajásdoallá buriid gaskavuođaid eará eananoamasteddjiiguin. Sohppojuvvon ášši leat maiddái johtilut gieđahallat priváhtageaidnodoaimmahusas. Juos buot mearridan láhkái áššiin lea sohppojuvvon, priváhtageaidnodoaimmahusa hattisge sáhttá oažžut vuoládusa. Vuoládusas mearrida loahpas eanamihtidaninšenevra.
Soahpamuša hápmi ja sisdoallu
Lea dehálaš, ahte buot soahppioassebealit leat mielde soahpamin ja vuolláičállet soahpamuša. Sáhtát geavahit soahpamis válmmaš soahpamušskovi: geaidnosoahpamuš (suomi.fi) (suomagillii). Sáhtát dahkat soahpamuša maid friddjahápmásaččat.
Oza doaimmahusa soahpama maŋŋá
Sáhtát ohcat priváhtageaidnodoaimmahusa áššiiddikšunbálvalusas (suomagillii). Lavtte ohcamuššii du dahkan soahpamuša.
Juos it oza priváhtageaidnodoaimmahusa, dahkkojuvvon soahpamuš čatná dušše dan dahkan olbmuid.