Oastte váldosiid ja duođaštusaid

Eanamihtidanlágádusas sáhtát oastit giddodatdieđuid sisttisdoallan váldosiid ja duođaštusaid.

Eanamihtidanlágádusa lassin váldosiid ja duođaštusaid vuvdet gielddat ja magistaráhtat.

Go dárbbašat giddodatdieđuid

  1. Iežat giddodagat dieđuid sáhtát geahččat nuvttá áššiiddikšunbálvalusas (suomagielat)
  2. Giddodagaide gullevaš váldosiid ja duođaštusaid sáhtát oastit áššiiddikšunbálvalusas (suomagielat). Váldosat doaimmahuvvojit pdf-fiillan.
  3. Jus háliidat oastit duođaštusa, mas oidno maiddái oamasteaddji čujuhus ja persondovddaldat, diŋgo mávssuvullosaš duođaštusa diŋgonskoviin (suomagielat). Galggat maiddái ákkastallat gosa dáid dieđuid dárbbašat.

    Vái sáhtát diŋgot váldosiid ja duođaštusaid áššehasbálvalusas, de galggat diehtit giddodatdovddaldaga, Čielggat goddodatdovddaldaga (suomagielat).

    Almmut diŋgoma oktavuođas, háliidatgo duođaštusa pdf-fiillan šleađgapostii vai báberhámis poastta bokte. Váldosiin ja duođaštusain ii leat máhcahanriekti.

Vállje rivttes váldosa

Sierra diliin dárbbaša sierra váldosiid. Vállje dáin molssaeavttuin dan váldosa maid dárbbašat.

Lágačuorvunduođaštus

Giddodaga oamasteaddjidieđut oidnojit lágačuorvunduođaštusas. Lágačuorvunduođaštusa sáhttá diŋgot giddodagas dahje viidodagas. Lágačuorvunduođaštusain boahtá ovdan registtarovttadahkii maŋimuš merkejuvvon lágačuorvun.

Duođaštusas oidno olbmo namma ja riegádanáigi. Iežas giddodagain dahje ákkastaladettiin geavahanulbmila, sáhttá oažžut duođaštusa, mas oidno persondovddaldat ja čujuhus.

Losádusduođaštus

Losádusduođaštusas bohtet ovdan registarii merkejuvvon giddodahkii čuohcán giddemat, sierra rievttit ja muittuhandieđut (omd. olggosmihtideapmi)

Losádusduođaštus sisttisdoallá lassin registtarovttadaga vuođđodieđuid dego giddodatdovddaldaga, registrerenbeaivemeari ja viidodaga.

Duođaštusas oidno olbmo namma ja riegádanáigi. Iežas giddodagain dahje ákkastaladettiin geavahanulbmila, sáhttá oažžut duođaštusa, mas oidno persondovddaldat.

Giddodatregisttarválddus

Giddodatregistarválddus sisttisdoallá giddodaga vuođđodieđuid dego giddodatdovddaldaga, registrerenbeaivvi ja viidodaga.

Lassin váldosis lea diehtu earret eará giddodatregisttarovttadaga šaddamis, lávain, losádusain ja geavahanrivttiin ja ossodagain oktasaš guovlluide.

Giddodatregistara kártaválddus

Giddodatregistara kártaváldosa dárbbaša muhtun ohcamušaid dahje áššegirjjiid mielddusin. Giddodaga guovllut oidnojit buoiduduvvon merkejumiin kártaváldosis.

Láigovuoigatvuođaduođaštus

Láigovuoigatvuođaduođaštus muitala giddodaga láigoheaddji. Váldosa diŋgoma várás dárbbaša lágádusdovddaldaga, mii gávdno láigoaddi sádden eanaláigorehkegis.

Láigovuoigatvuođaduođaštusas oidno maŋimuš lágačuorvun- ja giddodatregistarii merkejuvvon láigovuoigatvuođa hálddašeaddji.

Duođaštusas oidno olbmo namma ja riegádanáigi. Iežas giddodagain dahje ákkastaladettiin geavahanulbmila, sáhttá oažžut duođaštusa, mas oidno persondovddaldat ja láigoaddi oktavuođadieđut.

Geavahanvuoigatvuođaovttadatválddus

Geavahanvuoigatvuođaválddus muitala vuođđuduvvon geaidnovuoigatvuođain ja eará losádusain. Das bohtet ovdan omd priváhtageainnu geaidnogotti namma, dovddaldat ja oktavuođaolbmo dieđut (jus almmuhuvvon) ja logahallan giddodagain, maid viidodagain geaidnu johtá. Válddus ii leat oažžumis áššiiddikšunbálvalusas, diŋgo váldosa áššehasbálvalusas.

Válddus giddodaga gávpehadderegistaris

Sáhtát diŋgot giddodagaid gávpehadderegistaris ovttaskas giddodagaid gávppi haddedieđuid. Váldosis ii oidno oasti eaige vuovdi dieđut, jus sii leat priváhtaolbmot. Válddus ii leat oažžumis áššiiddikšunbálvalusas, diŋgo váldosa áššehasbálvalusas.

Váldosiid  ja duođaštusaid hattiid gávnnat haddelisttus (suomagielat)