Oza giddehusa, juos háliidat geavahit giddodaga, dan mearreviidodaga dahje mearreoasi, dahje láigovuoigatvuođa vealggi dáhkádussan.
Giddehus lea doaisttážii fámus. Dan galgá jámihit sierra.
Ná ozat giddehusa
- Daga giddehusohcamuša ieš dahje bivdde du báŋkku válmmaštallat ohcamuša Giddodatgávppi bálvalussii.
- Juos it sáhte geavahit min elektrovnnalaš bálvalusa, sáhtát ohcat giddehusa maiddái skoviin (suomi.fi, suomagillii).
Gieđahallanáigi
Geahča ohcamušaid ja eananmihtidanbálvalusaid gaskamearalaš gieđahallanáiggiid Ohcamušaid gieđahallanáiggit -siiddus (suomagillii).
Giddodatgávppi bálvalusas giddehusa ja elektrovnnalaš pántagirjji sirdima ozadettiin ohcamuša sáhttá čoavdit dalán, juos registtarmerkemat eai eastte dan.
Lágačuorvva dahje láigovuoigatvuohta galgá leat girjejuvvon lágačuorvva- ja giddehusregistarii, vai giddehus sáhttá nannet.
Giddehusaide dahkan láhkái nuppástusat
Elektrovnnalaš pántagirjji sirdin
Elektrovnnalaš pántagirjji fidnejeaddji lea eanaš báŋku, mii loneha giddodatgávppi. Pántagirjji fidnejeaddjidiehtu galgá leat áigedásis. Elektrovnnalaš pántagirjji sirdin mearkkaša dan, ahte pántagirjji fidnejeaddji nuppástuvvá.
Oza elektrovnnalaš pántagirjji sirdima Giddodatgávppi bálvalusas dahje bivdde iežat báŋkku dahkat sirdindoaimmaid.
Giddehusa nuppástuhttin
Giddehusa nuppástuhttin mearkkaša ovdamearkka dihte dan, ahte dan ovdasadji eará giddehusaid ektui nuppástuhtto dahje dat viiddiduvvo eará giddodagaide. Giddehusa nuppástuhttin ohccojuvvo skoviin (suomi.fi, suomagillii).
Giddehusa burgin ja jámiheapmi
Giddehusa burgin dahkkojuvvo dávjá nu, ahte giddehusmerken sihkkojuvvo mearreviidodagas, mii lea vuvdojuvvon giddodagas. Giddehusa jámiheamis olles giddehus sihkkojuvvo lágačuorvva- ja giddehusregistaris.
Sáhtát ohcat burgima ja jámiheami skoviin (suomi.fi, suomagillii) dahje elektrovnnalaččat Giddodatgávppi bálvalusas.
Haddi ja máksin
Giddehusášši gieđahallamis berrojuvvo máksu juohke nannejuvvon giddehusa oasil sierra.
Juos ozat giddehusa Giddodatgávppi fierbmebálvalusa bokte, máksu berrojuvvo jo ohcanmuttus. Eará dáhpáhusas dat berrojuvvo easkka mearrádusa maŋŋá.
Giddodat loana dáhkádussan
Giddehusášši gieđahallamis berrojuvvo máksu juohke nannejuvvon giddehusa oasil sierra.