Skip to main content

Registrere giddodaga oamastanvuoigatvuođa ohcamiin lágačuorvaga

Lágačuorvva oaivvilda giddodaga oamastusa registrerema Eanamihtidanlágádusa lágačuorvva- ja giddehusregistarii. Lágačuorvaga galgá ohcat dalle, go giddodaga oamasteaddji molsašuvvá.

Lágačuorvaga sáhttá ohcat giddodahkii, mearreviidodahkii dahje mearreoassái. Lágačuorvva ohccojuvvo guhtta mánotbaji siste gávpegirjji dahje soahpamuša vuolláičállimis. Dušše lágačuorvvuhuvvon giddodaga sáhttá giddet ja geavahit vealggi dáhkádussan.

Ná ozat lágačuorvaga

Sáhtát ohcat máŋgga giddodaga lágačuorvaga ovttain ohcamušain. Haddi mearrašuvvá giddodagaid meari mielde.

Buoremus vuohki ohcat lágačuorvaga lea du dilis gitta:

  1. Juos gažaldat lea gávppis, ja dus lea veahkkin gávpenannejeaddji, son sáhttá gávppi oktavuođas álggahit lágačuorvaga du beales.
  2. Sáhtát dahkat gávppi gávpenannejeaddji haga Giddodatgávppi bálvalusas. Lágačuorvva vuolgá dalle johtui automáhtalaččat.
  3. Sáhtát ohcat lágačuorvaga iešráđálaččat Áššiiddikšunbálvalusas:
    - persovdnaáššehasat (suomagillii)
    - organisašuvdnaáššehasat (suomagillii)

    Bálvalussii sáhttet čálihit iežaset organisašuvnna beales sisa dat olbmot, geaidda lea merkejuvvon gávperegistarii organisašuvnna nammačállinvuoigatvuohta.

    Lágačuorvva máksojuvvo Áššiiddikšunbálvalusas ohcamuša sáddema oktavuođas.
  4. Áššeolmmoš (ovdamearkka dihte báŋku) sáhttá sáddet ohcamuša du beales.
  5. Juos it sáhte geavahit min elektrovnnalaš bálvalusaid, sáhtát ohcat lágačuorvaga maiddái skoviin (suomi.fi, suomagillii).

Váriidsirdinvearru

Giddodaga gávppis váriidsirdinvearroalmmuhus ja vearu máksin dahkkojuvvojit Vearrohálddahusa OmaVero -bálvalusas (geahča dárkilut váriidsirdinvearu máksinrávvagiid, suomagillii). Vearrogeatnegasvuođaid galgá dikšut dalán gávppi oktavuođas. Guittiid ii goittotge dárbbaš ohcamuša mielddusin, go Eanamihtidanlágádus oažžu máksojuvvon vearus dieđu njuolgga vearuheaddjis.

Dárbbašlaš mildosat

Ohcamuša mildosiid sáhttá čielggadit álkit áššiiddikšunveahkis (suomagillii). Juos leat ožžon giddodaga juogademiin, árbejuogus dahje testameanttain, mii dárbbašit áššegirjji álgoálgosažžan ášši gieđahallama várás. Mii máhcahit áššegirjji ájahalakeahttá.

Gieđahallanáigi

Geahča ohcamušaid ja eananmihtidanbálvalusaid gaskamearalaš gieđahallanáiggiid Ohcamušaid gieđahallanáiggit -siiddus (suomagillii).