Goas dárbbašan eanamihtidandoaimmaheami?

Eanamihtidandoaimmahemiin dahket ođđa giddodagaid, meroštallet giddodaga olliid ja sáhttá nuppástuhttit giddodagaide gullevaš vuoigatvuođaid.

Eanamihtidandoaimmaheamit leat virgeoapmahašbálvalus, man stivre ee. giddodatdahkanláhka, priváhtageaidnoláhka ja lotnunláhka. Doaimmahemiin dahkkon mearrádusat merkejuvvojit giddodatdiehtovuogádahkii ja áššegirjjit seailluhuvvojit bissovaččat. Doaimmaheami hatti meroštallá eana- ja meahccedoalloministeriija ásahus.

Sáhtát ohcat doaimmaheami, jus leat giddodaga oamasteaddji dahje oasseoamasteaddji. Doaimmaheami sáhttá ohcat maiddái eará bealli, gean vuoigatvuođa doaimmaheapmi guoská.

Oza eanamihtidandoaimmaheami, go háliidat ovdamearkan

  • dahkat ođđa giddodaga du oamastan giddodagas (juohkin)
    • Luobahuvvon mearreviidodahkii mieđihuvvon lágačuorvva álggaha juohkima almmá ohcama
  • juohkit oktasaš oamastusas lean giddodaga (luoddun)
  • čielggadit giddodatrájá báikki (rádjejohtin)
  • giddodahkii johtinvuoigatvuođa dahje čoavdit vuoigatvuhtii laktásan eahpečielggasvuođa (priváhtageaidnodoaimmaheapmi)
  • vuoigatvuođa ávkkástallat nuppi giddodaga viidodaga dihto dárkkuhussii (losádusdoaimmaheapmi)
    • losádusdoaimmaheapmi gáibida dábálaččat giddodagaid oamasteaddjiid soahpama áššis.
  • lotnut čáhcecoahkuneatnama (čáhcecoahkuneatnama lotnun).

Doaimmaheamis dahket eanageahčademiid ja kártenbargguid bievlan. Jus ozat eanamihtidandoaimmaheami dálvit, eanabargguid sáhttá álggahit dábálaččat easkka čuovvovaš giđa.

Ovdal doaimmaheami ohcama

  • Čielggat makkár doaimmaheapmi heive du iežat dárkkuhussii. Doaimmahusaid siidduin oaččot dieđu das makkár doaimmat doaimmaheapmái gullet, man guhká doaimmaheapmi bistá ja mii lea doaimmaheami haddi ja mas dat čoggo.
  • Jus giddodagas leat máŋggat eaiggádat ja ohcabehtet doaimmaheami ovttas, lavtte ohcamuššii váldegirjjiid oasseoamasteaddjiin.
  • Ránnjáiguin ja áššeosolaččaiguin gánneha háleštit, ahte mas lea sáhka ja makkár doaimmaheami vejolaččat dárbbašit. Jus jearaldagas lea doaimmaheapmi, mas áššis sáhttá soahpat, sáhttá ášši oažžut ovdánit jođáneappot go das soahpá juo ovddalgihtii.

Oza eanamihtidandoaimmaheami

  1. Čohkke vejolaš mildosiid ja vurke daid pdf- dahje jpg-hámis.
  2. Oza doaimmaheami Áššiiddikšunbálvalusas (suomagillii): vállje vuos giddodaga ja makkár doaimmaheami ozat, deavdde dasto ohcamuša dieđuid ja lavtte ohcamuššii vejolaš mildosiid.

Sáhtát ohcat doaimmaheami maiddái ohcamušskoviin (pdf), jus dus ii leat vejolaš geavahit Áššiiddikšunbálvalusa.

Lasi dieđu doaimmahusain oaččot čujuhusas www.maanmittauslaitos.fi ja eanamihtidandoaimmahagain.

Eanamihtidandoaimmahusa