Eanamihtidandoaimmahusaiguin hábmejit ođđa giddodagaid, meroštallet giddodaga oliid ja sáhttet muhttit giddodagaide laktáseaddji vuoigatvuođaid. 

Eanamihtidandoaimmahusat leat virgeoapmahašbálvalusat, maid stivrejit ee. giddodathábmenláhka (suomagillii), priváhtageaidnoláhka (suomagillii) ja lotnunláhka (suomagillii). Doaimmahusain dahkkojuvvon mearrádusat merkejuvvojit giddodatdiehtoregistarii ja áššegirjjit seailluhuvvojit bissovaččat. Doaimmahusa hatti mearrida eanan- ja meahccedoalloministeriija ásahus.  

Sáhtát ohcat doaimmahusa, juos don leat giddodaga oamasteaddji dahje oasseoamasteaddji. Doaimmahusa sáhttá ohcat maiddái eará oassebealli, man vuoigatvuhtii doaimmahus guoská. 

Eanamihtidanlágádusa lassin muhtin gielddat, dego Helsset, Vantaa ja Espoo dahket eanamihtidandoaimmahusaid guovllustis. Dán dáhpáhusas sáhtát ohcat doaimmahusa gielddas ja mii sirdit áššiiddikšunbálvalusas dahkkojuvvon ohcamuša gieldda gieđahallamii. Oaččot lassedieđuid doaimmahusaid birra gieldda siidduin. 

Oza eanamihtidandoaimmahusa, go háliidat ovdamearkka dihte 

• hábmet ođđa giddodagaid du oamastan giddodagas 

  • luohpaduvvon mearreviidodahkii mieđihuvvon lágačuorvva álggaha laigema ohcamuša haga 

• juohkit oktasašoamastusas leahkki giddodaga 

• čielggadit giddodatrájá saji 

• giddodahkii johtinvuoigatvuođa dahje čoavdit vuoigatvuhtii laktáseaddji eahpečielggasvuođa 

• vuoigatvuođa geavahit nuppi giddodaga guovllu dihtto ulbmilii 

  • losádusvuoigatvuohta gáibida dábálaččat giddodagaid oamasteaddjiid soahpamuša áššis 

• lotnut čáhcehilggohaga, viessosadjeoasi dahje oktasaš guovllu (suomagillii)

Doaimmahusas dahket eanadatgeahčahusaid ja kártenbargguid bievlan. Juos ozat eanamihtidandoaimmahusa dálvet, eanadatbargguid sáhttet álggahit dábálaččat čuovvovaš geasi. 

Ovdal doaimmahusa ohcama 

• Čielggat, mii doaimmahusaid heive du ulbmilii. Doaimmahusaid siidduin oaččot dieđuid das, makkár barggut doaimmahussii gullet, man guhká doaimmahus gaskamearálaččat bistá ja mii lea doaimmahusa haddi dahje mo haddi mearrašuvvá. 

• Juos giddodagas leat máŋgga oamasteaddji ja ohcabehtet doaimmahusa ovttas, lasit ohcamuššii váldegirjjiid oasseoamasteaddjiin. 

• Ránnjáiguin dahje áššeoasálaččaiguin gánneha ságastallat, mas lea gažaldat ja mii doaimmahusaid vejolaččat dárbbašuvvo. Juos gažaldat lea doaimmahusas, mas áššis sáhttá soahpat, sáhttibehtet jođálmahttit ášši gieđahallama soahpamiin das ovddal gihtii.