Go eatnamis molsašuvvá eaiggát, galgá ođđa oamasteaddji registreret oamastanrievttis. Oamastanriekti registrerejuvvo lágačuorvuma ohcamiin.
Dušše lágačuorvuma giddodaga sáhttá giddet dahje geavahit vealggi dáhkádussan. Lágačuorvun merkejuvvo almmolaš lágačuorvun- ja giddodatregistarii. Dán maŋŋá oamasteaddji oidno lágačuorvunduođaštusas.
Eatnamiin oaivvildat giddodaga, dan viidodaga dahje oasseviidodaga. Oamasteapmi sáhttá sirdašuvvat ovdamearkan gávppi bokte, juogademiin dahje árbin.
Giddodaga oastimii gánneha ráhkkanit fuolalaččat. Loga ovdal gávppašeami giddodaga oamasteaddji muitolisttu.
Oza lágačuorvuma buriin áiggiin
Galggat ohcat lágačuorvuma guđa mánu siste soahpamuša vuolláičállimiin, vaikke oamastanriekti ii livčče vel sirdašuvvan.
Mearreáigi rehkenastojuvvo soahpamuššii, ovdamearkka gávpegirjái, vuolláičállimis. dán áigemearis badjel mannan bajida opmodatsirdinvearu juohke álgán guđa mánus. Vearru sáhttá badjánit eanemustá guovttegeardásažžan. Giddodagain galgá addit opmodatsirdinvearroalmmuhusa opmodatsirdinvearu máksima lassin. Geahča dárkilut opmodatsirdinvearu máksinrávvagiid.
Eanamihtidanlágádus juohká viidodaga lágačuorvuma maŋŋá iežas giddodahkan. Juohkindoaimmahus álggahuvvo automáhtalaččat.
Sáhtát ohcat máŋgga giddodaga lágačuorvuma ovtta ohcamušain. Haddi mearrašuvvá giddodagaid meari mielde.
Sáhtát ohcat lágačuorvuma Áššiiddikšunbálvalusa bokte, jus gávpenannejeaddji lea nannen ovdamearkan gávppi, skeaŋkka dahje lonuheami. Eará luobahemiide ja ovdamearkan árbejuhkui sáhttá ohcat lágačuorvuma girjjálaš ohcamuša deavdimiin.
Olles proseassa lágačuorvuma álggaheamis bistá sullii 4–6 mánotbaji.
Čielggaduslágačuorvun
Čielggadanlágačuorvuma ohcan ii leat bákkolaš, muhto álkidahttá áššiid dikšuma. Čielggaduslágačuorvuma gánneha ohcat váldooasis guovtti dáhpáhusas:
- go jápminbeassi háliida vuovdit jápmán oamasteaddji giddodaga. Dalle oastái ii dárbbaš addit váinni árbegirjji lágačuorvuma várás.
- go fitnodagas dáhpáhuvvet nuppástusat, ovdamearkan juohkašuvvan dahje oktiisuddan.
Ná ozat lágačuorvuma
- Čohkke dárbbašlaš mildosiid.
- Oza lágačuorvuma Áššiiddikšunbálvalusas (suomagielat), jus gávpenannejeaddji lea nannen ovdamearkan gávppi, skeaŋkka dahje lonuheami.
- Eará luobahemiide ja ovdamearkan árbejuhkui sáhttá ohcat lágačuorvuma deavdimiin ohcamušskovi (suomi.fi, suomagielat). Doaimmat ohcamuša ja dan mildosiid šleađgapoasttain, poastta bokte dahje buktimiin dan bálvalančuoggái. Báberáššegirjjit máhcahuvvojit dutnje ášši vuolggaheami maŋŋá.
Dárbbašlaš mildosat
Dábálepmosit mildosat leat gávpehatti ja opmodatsirdinvearu máksinkuite. Soahpamušaid, maid gávpenannejeaddji lea vuolláičállosiinnis nannen, ii dárbbaš doaimmahit originálan. Eará soahpamušaid galgá doaimmahit originálan poastta bokte.
Juohkinsoahpamuš
- vejolaš váldegirjjit
Skeaŋka
- ii dárbbaš laktit maidige
Gávpi
- opmodatsirdinvearu máksinkuite
- gávpehatti máksinkuite
- gieldda ovdaoastinvuoigatvuođa mearrádus
- vearuheaddji vuosttasvistti vearrofriddjavuođacealkámuš (Eanamihtidanlágádus skáhppo cealkámuša njuolga vearuheaddjis)
Juohkinsoahpamuš
- álgovuđolaš juohkinsoahpamuš
- vejolaš opmodatsirdinvearrokuite, jus geavahuvvon beasi olggobeale opmodaga náittosearu opmodatearri
Árbejuohkin
- váinni árbegirji ja sohkačielggadus
- álgovuđolaš árbejuohkosoahpamuš oktan váldegirjjiiguin
- vejolaš testamentá
Čielggaduslágačuorvun jápminbeassái
- váinni árbegirji ja sohkačielggadus
Testamentá
- váinni árbegirji ja sohkačielggadus
- álgovuđolaš testamentá
Lonuheapmi
- opmodatsirdinvearrokuite
Eará dárbbašlaš mildosat leat logahallon dárkileappot lágačuorvunohcamuša deavdinrávvagiin (suomagielat).