Sáhtát oastit olles giddodaga, ráddjejuvvon viidodaga nappo mearreviidodaga giddodagas dahje oasi giddodagas (ovdamearkka dihte 1/3).
Ovdal giddodatgávppi
- Dárkkis álot giddodaga lágačuorvvaduođaštusa, losádusduođaštusa ja giddodatregisttarváldosa. Dáhto duođaštusaid vuovdis dahje oastte daid Áššiiddikšunbálvalusas. Loga lasi máksin láhkái duođaštusaid diŋgomis. Duođaštusat galget leat nu ođđasat go vejolaš.
- Juos giddodagas leat giddehusat, soaba vuovdiin daid jámiheamis dahje sirdimis dutnje dahje du báŋkui. Loga lasi giddehusa nuppástuhttimis. Sohppojuvvon áššiid gánneha čállit gávpegirjái.
- Huksenlobiin, lávvemis já huksenvuoigatvuođaid birra oaččot dieđuid gieldda huksenbearráigeahčus.
- Eanamihtidanlágádusa gávpehadderegistaris oaččot dieđu giddodatgávppiid hattiin. Sáhtát veardádallat daid giddodahkii, man leat oastimin. Dieđuid ovttaskas giddodatgávppiid birra oaččot min áššehasbálvalusas.
Giddodatgávpedilis
- Sáhtát oastit giddodaga álkimusat Giddodatgávppi bálvalusas. Dalle gávpegirjji sáhttá dahkat ja vuolláičállit gos ja goas beare iige gávpi gáibit gávpenannejeaddji. Oahpásmuva dárkilut rávvagiidda.
- Juos ehpet sáhte dahkat gávppi Giddodatgávppi bálvalusas, dahkkit gávpegirjji báberhámis. Dalle dárbbašehpet maiddái gávpenannejeaddji mielde gávpedahkandilálašvuhtii. Oza gávpenannejeaddji oktavuođadieđuid.
Giddodatgávppi maŋŋá
- Daga váriidsirdinvearroalmmuhusa ja mávsse váriidsirdinvearu Vearrohálddahusa Omavero-bálvalusas. Mávsse váriidsirdinvearu ovdal go ozat oamastusa registrerema.
- Oza giddodaga oamastusa registrerema nu jođánit go vejolaš. Juos leat váldán loana báŋkkus giddodatgávppi várás, báŋku ohcá dábálaččat oamastusa registrerema du beales.
- Sáhtát čielggadit du dárbbašan mildosiid áššiiddikšunveahkis (suomagillii).
- Sáhtát dievasmahttit ohcamuša Áššiiddikšunbálvalusas (suomagillii).
- Juos don leat oastán giddodagas ráddjejuvvon viidodaga nappo mearreviidodaga, viidodaga laigen iežas giddodahkan álgá dalle, go du oamastus lea registrerejuvvon. Don it dárbbaš ohcat viidodaga laigema sierra.
- Juos háliidat geavahit iežat giddodaga loana dáhkádussan, oza giddehusaid Giddodatgávppi bálvalusas.